________________
* (પ) • સજ્જıૌમુદી ભાષાંતર
ચોળવાથી, કે વૃક્ષની છાલનાં વસ્ત્ર પહેરવાથી જ્ઞાન મોક્ષ થતાં નથી. જે પુરુષો પરોપકાર કરતા નથી, તેઓથી તો વૃક્ષ પણ ઉત્તમ ગણાય છે. કહ્યું છે કે : સત્પુરુષોની પેઠે વૃક્ષ પણ બીજાને છાયા કરે છે, પોતે તડકામાં રહે છે અને બીજાને માટે ફલ પેદા કરે છે. તે શિવાય બીજા પણ ઘણા પદાર્થો પરોપકારી છે. કહ્યું છે કે : નદીઓ પોતાનું પાણી પોતે પીતી નથી, વૃક્ષો પોતાનાં સ્વાદિષ્ટ ફળોનો સ્વાદ લેતા નથી, અને વર્ષાદ પોતાના ઉપજાવેલા ધાન્યનો ઉપયોગ કરતો નથી; કારણ કે, સત્પુરુષોની સમૃદ્ધિ પરોપકારને માટે થાય છે. વળી ગાયો પરોપકારને માટે દૂધ આપે છે, અને નદીઓ પરોપકારને માટે વહે છે; તેવી રીતે સત્પુરુષોની પ્રવૃત્તિ પરોપકારને માટે છે. વળી પણ કહ્યું છે કે : પોતાના ભરણપોષણના વ્યાપારથી ઉદરને પૂરનારા એવા નીચ લોકો હજારો છે, પણ જેને પરોપકાર એ જ સ્વાર્થ છે એવો સત્પુરુષોમાં અગ્રણી કોઈ એકજ પુરુષ હોય છે. જેમ નીચ એવો વવાનળ પોતાના ન પૂરી શકાય તેવા ઉદર પૂરવાને માટે સમુદ્રને પી જાય છે, અને પરોપકારી વર્ષાદ ગ્રીષ્મઋતુના તાપથી ભરપૂર થએલા જગતના સંતાપનો નાશ કરવાને વરસે છે.’
:
આવી રીતે ચોરે શેઠની ઘણી સ્તુતિ કરી, એટલે જિનદત્તશેઠ બોલ્યા. ‘હૈ તસ્કર ! મેં બાર વર્ષ સુધી ગુરુની સેવા કરી હતી, તેથી ગુરુએ મને આજે એક મંત્ર જપવાનો આદેશ આપ્યો છે, તે મંત્ર જો હું પાણી લેવાને જઊં તો તે ભૂલી જવાય; તેથી મ્હારાથી જઈ શકાશે નહીં.’ ચોરે કહ્યું. ‘એ મંત્રથી શું થાય ?' શેઠે કહ્યું કે, ‘જો એ મંત્ર જપ્યો હોય તો તે સર્વ સુખને આપે છે, અને એનું નામ પંચ નમસ્કારમંત્ર છે. કહ્યું છે કે ઃ દેવતાની સંપત્તિનું આકર્ષણ કરનારી, મુક્તિની લક્ષ્મીને વશ્ય કરનારી, વિપત્તિનો નાશ કરનારી, ચાર ગતિમાં થએલા પાપનો દ્વેષ કરનારી, દુર્ગતિમાં જનારાને રોકનારી, અને મોહને દૂર કરનારી પાંચ નમસ્કારમંત્રની અક્ષરમય દેવતા આરાધન કરવાથી રક્ષણ કરો.' ચોરે કહ્યું. ‘તમે જયાં સુધી મ્હારે માટે પાણી લઈને આવો, ત્યાં સુધી એ તમારો મંત્ર હું જગ્યા કરૂં કે, જેથી તમે ભૂલી જશો નહીં; માટે મને ઉપદેશ આપીને જાઓ.' શ્રેષ્ઠીએ તેમ કરવા કબૂલ કર્યું. પછી તે ઉપદેશ આપી ચોરને મંત્ર શિખવી પોતે પાણી લેવા ગયા. થોડીવાર પછી એકાગ્ર ચિત્તે પંચપરમેષ્ટિનો મંત્ર બોલતાં એ ચોરે પ્રાણ છોડ્યા. ત્યાંથી તે ચોર એ
