________________
જ સોમશર્મા મંત્રીના 8થા • (@e) દેવ-ગુરુને વિષે દ્રઢ શ્રદ્ધા હોય તો આ મહારૂં કાષ્ટનું ખગ છે, તે લોહમય થઈ જાઓ.” એમ ધારણા કરીને તેણે મ્યાન રાજાના હાથમાં આપ્યું. રાજાએ તેમાંથી તલવાર બહાર કાઢી, તો તે સૂર્યસમાન દેદિપ્યમાન અને લોહમય દિઠી ! એટલે તેણે પેલા દુષ્ટ પુરુષને કહ્યું. “હે દુખ તે મને સર્વ વાત અસત્ય કહી.' બુદ્ધિવાળા પુરુષો પોતાના ગુણ અને પારકા દોષ ક્યાંય પણ પ્રગટ કરતા નથી, પરંતુ નીચજનો જ તેમ કરે છે.
પછી મંત્રીએ રાજાને કહ્યું: “હે રાજન્ ! રાજાની પાસે કોઈ પણ માણસ અસત્ય ભાષણ કરે નહીં, માટે કોપ ન કરો. એણે આપને જે કહ્યું હતું તે ખરું જ હતું.' રાજાએ વિચાર્યું. “અહો ! આ મંત્રી બહુ ઉત્તમ પુરુષ છે. કારણ કે, તે અપકારી ઉપર પણ ઉપકાર કરે છે. ઉત્તમ જનો જે છે તે પોતાનું બૂરૂં કરનારનું પણ ભલું ઈચ્છે છે. તે પુરુષોને ધિક્કાર થાઓ ! કે જેઓ ન્યાય કરનારનું પણ અશુભ ચિંતવે છે.”
પછી રાજાએ સચિવને કહ્યું. “હે સચિવ ! આ ખગ્ન કાષ્ટનું હતું, તે લોહમય કેવી રીતે થયું? તે કહો.” તે ઉપરથી તેણે સર્વ વૃત્તાંત કહી બતાવ્યો કે, “મહારે લોહશસ્ત્રનો નિયમ છે, તેથી મેં કાષ્ટનું ખગ્ન કરાવીને રાખ્યું છે, તે હમણાં દેવ ગુરુના પ્રભાવથી લોહમય થઈ ગયું છે; માટે હે રાજનું ! મને ક્ષમા કરો.” એ સાંભળીને લોકો મંત્રીની અત્યંત પ્રશંસા કરવા લાગ્યા. દેવતાઓએ પણ પાંચ આશ્ચર્ય ઉત્પન્ન કરીને તેની ઉન્નતિ ઈચ્છી.
આ સર્વ ધર્મનું માહાભ્ય દેખીને તથા સાંભળીને અજિતજય રાજા લોકોને કહેવા લાગ્યો : “અહો ! જૈનધર્મ સિવાય બીજો ધર્મ દુર્ગતિનું નિવારણ કરતો નથી. ધર્મ દુર્ગતિરૂપી આપત્તિને દૂર કરનારો છે; અત્યંત દુઃખરૂપી દાવાનળની જવાળાને માટે મેઘ સમાન છે; પ્રાણીઓને સુખ આપવામાં અગ્રેસર છે, અને મુક્તિ નગરીમાં જતાં નથતી અડચણને દૂર કરનારો છે; માટે તે ધર્મના જ વ્યાપારમાં પ્રત્યેક જીવે આદર કરવો.” - હવે રાજા તો વૈરાગ્યમાં તત્પર થયો, તેથી તેણે પોતાના પુત્ર જયને રાજય સોંપ્યું. મંત્રી સોમશર્માએ પણ પોતાના પુત્ર દેવશર્માને મંત્રીપદે સ્થાપ્યો. પછી રાજા અને મંત્રી બન્નેએ સમાધિગુપ્ત આચાર્ય પાસે દીક્ષા ગ્રહણ કરી. કેટલાકે શ્રાવકપણું અંગિકાર કર્યું. કોઈક ભદ્રપરિણામી થયા. વળી રાણી સુપ્રભા અને મંત્રી પત્નિ સોમાએ પણ બીજી સ્ત્રીઓની સંગાથે અભયમતિ
