________________
* (૯૪) • સમ્બકત્વનીભુદી-ભાષાંતર
છે; માટે લલાટમાં જે લખેલું છે તેને કોઈપણ મટાડી શકતું નથી. વળી જુઓ કે, ચંદ્રમા શંકર જેવા મહાદેવના મસ્તકમાં જઈને રહ્યો, તેમની જટામાં પણ છૂપાયો, પરંતુ ત્યાથીએ રાહુ તેનું ગ્રહણ કરવા ચૂકતો નથી, માટે વિધિને કોઈ ઉલ્લંઘી શકતું નથી.'
એમ ચિંતવીને અંજળિબદ્ધ થઈને તે પદ્મશ્રી કહેવા લાગી : ‘જો મ્હારા અંતઃકરણને વિષે જૈનમાર્ગમાં 'નિશ્ચય હોય, હું પતિવ્રતા હોઉં, અને મને રાત્રિભોજનનો નિષેધ હોય તો, હે શાસનદેવતા ! આ મ્હારા સ્વામિનાથ તથા આ બન્ને શ્રેષ્ઠી સૌ સજીવન થાઓ.'
તત્ક્ષણ તેણીના વ્રતના માહાત્મ્યથી તેઓ સર્વે જીવન આવવાથી બેઠા થયા, એટલે બાળકથી માંડીને વૃદ્ધ સુધી નગરના સર્વજનો તેણીની પ્રશંસા કરવા લાગ્યા. અહો ! એણીને ધન્ય છે; આવી રૂપવતી છતાં એ શીળવતી છે, એ આશ્ચર્ય છે. જીઓ કે, વેદશાસ્ત્રમાં નિપુણ એવો વિપ્ર પંડિત હોય એમાં કંઈ આશ્ચર્ય નથી; વળી નીતિશાસ્ત્રમાં પ્રવિણ એવો રાજા ધાર્મિક હોય તેમાં પણ કંઈ આશ્ચર્ય નથી; પરંતુ આશ્ચર્ય તો એ જ કહેવાય કે, રૂપ ને યૌવનવાળી સ્રી શીલગુણે અલંકૃત હોય ! કે નિર્ધન માણસ કદિપણ પાપ ન કરતો હોય !’
પછી લોકોએ પદ્મશ્રીની પૂજા કરી, દેવોએ પણ પુષ્પવૃષ્ટિ કરી. આ સર્વ વૃત્તાંત પ્રત્યક્ષ જોઈને વૈરાગ્ય પામી ધાડીવાહન રાજાએ કહ્યું : ‘અહો ! જૈનધર્મવિના બીજા ધર્મમાં ઈષ્ટની સિદ્ધિ નથી, માટે સર્વ કોઈએ એજ ધર્મ અંગીકાર કરવો; કારણ કે, સુંદર રૂપ, નિરોગી દેહ, ઉત્તમ ગુણ, મૃગના સરખાં નેત્રવાળી સ્ત્રી, સૌભાગ્ય, પ્રતિષ્ઠા, સારી બુદ્ધિ, લક્ષ્મી, કીર્તિ, દુઃખ મટીને સુખની પ્રાપ્તિ, ઉત્તમ ગુરુનો યોગ અને મનને આનંદની પ્રાપ્તિ. એ સર્વ સુખ અક્ષયપણે નિરંતર ધર્મથી જ મળે છે.’
તે ઉપરથી પોતાના પુત્ર નયવિક્રમને રાજ્ય ગાદી સોંપીને ધાડીવાહન રાજાએ બીજા ઘણાજન સંગાથે યશોધર મુનિની પાસે ચારિત્ર લીધું. બુદ્ધદાસ અને બુદ્ધસિંહ વિગેરે શ્રાવકો થયા. રાણી પદ્માવતી અને શ્રેષ્ઠીની સ્રી પદ્મશ્રીએ પણ બીજી બહુ સ્રીઓ સહિત સરસ્વતી સાધ્વી પાસે દીક્ષા ગ્રહણ કરી. પછી ચારિત્ર પાળી તપ કરતાં કેટલાક મોક્ષે ગયા અને કેટલાક સ્વર્ગે ગયાં. ૧ નિશ્ચળ શ્રદ્ધા.
