Prakarantrai

Author(s): Mahabodhivijay
Publisher: Jinshasan Aradhana Trust

Page 34

- [7] जीवविचार वृ. गूढानि-गुप्तानि प्रकटतयाऽज्ञायमानानि सिराः स्नसाः संधयः पर्वाणि च यस्य पत्रनालादेस्त द्गुढसिरासन्धिपर्व / तथा यस्य त्रोट्यमानस्य पत्रादेः समोऽदन्तुरो भंगश्छेदो भवति तत्समभंगम् / तथा छिद्यमानस्य न विद्यते हीरकाः तन्तुलक्षणा मध्ये यस्य तदहीरकम् / तथा यस्य छिन्नमपि खण्डं जलादिसामग्री प्राप्य गडूच्यादिवदन्यत्र पुनः प्ररोहति तच्छिन्नरुहम् / तदेतैर्लक्षणैः साधारणमनन्तकायिकशरीरं ज्ञेयम् / तल्लक्षणविपरीतं पुनः प्रत्येकं शरीरं बोध्यम् // 12 // अथ प्रत्येकवनस्पतेर्लक्षणादिकमाहएगसरीरे एगो, जीवो जेसिं तु ते य पत्तेया / फलफूल्लछल्लिकट्ठा, मूलगपत्ताणि बीयाणि // 13 // येषां तरूणामेकस्मिन् शरीरे एको जीवः स्यात् ते प्रत्येका वनस्पतयः उच्यन्ते / चः समुच्चये, तुरेवार्थे ते एवेत्यर्थः / प्रत्येकवृक्षाणां सप्तसु स्थानेषु पृथग्जीवाः सन्ति / तानि स्थानानि दर्शयति-फलानि 1 पुष्पाणि 2 छल्लयः 3 काष्ठानि 4 मूलानि 5 पत्राणि 6 बीजानि 7 चेति / इह प्रत्येकवनस्पतीनां नाममात्रमुपदर्शित, भेदविशेषविचारस्तु प्रज्ञापनादिभ्योऽवसेयः // 13 // . अथ सर्वैकेन्द्रियानाश्रित्य पृथ्व्यादयः पंचापि क्व क्व सन्तीति तद्विशेषमाहपनेयतरं मुत्तुं पंचवि पुढवाइणा सयललोए / सुहुमा हवंति नियमा अंतमुहुत्ताउ अदिस्सा // 1 // प्रत्येकतरुं मुक्त्वा पंचापि पृथिव्यादयः सक्ष्मैकेन्द्रिया नियमात् निश्चयेन-सकललोके चतुर्दशरज्जुप्रमाणे लोके भवन्ति विद्यन्ते / परं ते