________________
રાજાએ પણ યુવાનમંત્રીઓને કહ્યું કે, “બોલો! હવે વૃદ્ધમંત્રીઓને મંત્રીમંડળમાં રાખવા જરૂરી કે નહિ?” શરમિંદા બની ગયેલા યુવાનમંત્રીઓએ માફી માંગી.
આ વૃદ્ધમંત્રીઓ પાસે જે બુદ્ધિ આવી, તે પણ મતિજ્ઞાનનો પ્રકાર છે. તેને ઢાંકવાનું, અટકાવવાનું કાર્ય મતિજ્ઞાનાવરણીયકર્મ કરે છે.
શ્રુતજ્ઞાનાવરણીય-કર્મ જ્ઞાનના પાંચ પ્રકારો છે. તેમાંનું બીજા નંબરનું જ્ઞાન તે શ્રુતજ્ઞાન. તેને રોકનારું જે કર્મ તે શ્રુતજ્ઞાનાવરણીયકર્મ. - દુનિયાના વ્યવહારો શ્રુતજ્ઞાનના બળે ચાલે છે. શબ્દો સાંભળતાં, વાંચતા, લખતાં જે જ્ઞાન થાય છે, તે શ્રુતજ્ઞાન.
શાસ્ત્રોનો અભ્યાસ કરીને પ્રાપ્ત થતાં જ્ઞાનને શ્રુતજ્ઞાન કહેવાય છે. વ્યવહારમાં શાસ્ત્રોને પણ શ્રુતજ્ઞાન તરીકે ઓળખવામાં આવે છે. - વર્તમાન પંચમકાળમાં જ્યારે પરમાત્માનો સાક્ષાત્ વિરહ ચાલે છે, ત્યારે આપણા જેવા જીવોને માટે તરવાનું જો કોઈ સાધન હોય તો તે છે જિનબિંબ અને જિનઆગમ,
જિનબિંબ એટલે પરમાત્માની પ્રતિમા. તેની સ્તવના – વંદના - પૂજા વગેરે દ્વારા જેમ તરી શકાય તેમ પરમાત્માની વાણી જેમાં સંગ્રહિત થાય છે તે જિનાગમ જિનશાસ્ત્રો) રૂપ શ્રુતજ્ઞાનની સ્તવના – વંદના - પૂજા દ્વારા પણ તરી શકાય છે.
કેવળજ્ઞાનીના દર્શન જો આપણને જિનબિંબમાં થાય છે, તો કેવળજ્ઞાનના દર્શન આપણને શ્રુતજ્ઞાનમાં થાય. કારણ કે જિનબિંબ જેમ કેવળજ્ઞાની સાથે સંબંધ કરાવીને કેવળજ્ઞાનીને ઓળખાવે છે તેમ શ્રુતજ્ઞાન પણ કેવળજ્ઞાન સાથે આપણો સંબંધ કરાવીને કેવળજ્ઞાનને ઓળખાવે છે. - ઉપરોક્ત વાત જાણ્યા પછી, કેવળજ્ઞાનીની ઓળખાણ કરાવતી જિનપ્રતિમાની પૂજા વગેરે માટે જેટલો સમય ફાળવીએ છીએ, તેનો અડધો સમય પણ કેવળજ્ઞાનની ઓળખાણ કરાવનારા શ્રુતજ્ઞાનને પ્રાપ્ત કરવા પાછળ ફાળવવાનું નક્કી કરશું ને? હવે રોજ પાઠશાળા જઈશું ને ? ઓછામાં ઓછો અડધો કલાક જૈન ધર્મના સૂત્રો ગોખવા છે, એવો નિર્ણય કરીશું ને? શું આપણને કેવળજ્ઞાન નથી જોઈતું?
પણ ખૂબ દુઃખની વાત છે કે ૧૦૦ રૂ.ની નોટ મૂકીને શ્રુતજ્ઞાનની પૂજા (જ્ઞાનપૂજન) કરનાર વ્યક્તિ ૧૦ મિનિટ પણ શ્રુતજ્ઞાનને પ્રાપ્ત કરવા (ગોખવા માટે) કાઢતો નથી !
જ્ઞાનાવરણીયકર્મ 1 ૫૯
