________________
અરે ! પેલી વાંદરીની જેમ કાળજું ઝાડ ઉપર મૂકીને જ - પાપોની ક્રિયામાં - નાછૂટકે જોડાવાનું છે.
યાદ છે ને પેલી વાંદરીની વાત !
તળાવના કિનારે જાંબુના ઝાડ ઉપર રહેનારી તે વાંદરી રોજ જાંબુ ખાય. તળાવમાં રહેતા મગર સાથે તેને મૈત્રી બંધાઈ. ક્યારેક ઝાડ ઉપરથી જાંબુ તોડીને મગરને પણ આપે.
જાંબુની મીઠાશનો અવાર-નવાર અનુભવ કરતો મગર સ્વાર્થી થોડો બને? ક્યારેક થોડાંક જાંબુ લઈ જઈને પોતાની પત્નીને પણ તે આપતો. મગરની પત્નીને જાંબુ ખૂબ ભાવ્યાં. જાંબુની મીઠાશ તેની દાઢને સ્પર્શી ગઈ. વારંવાર જાંબુ મંગાવે છે ને તેની મજા માણે છે.
તેવામાં એકવાર મગરબાઈને વિચાર આવ્યો કે જો આ જાંબુ આટલાં બધાં મીઠાં છે, તો તે મીઠાં જાંબુ રોજ ખાનારી વાંદરીબાઈનું કાળજું તો કેટલું બધું મીઠું હશે ! મને તે કાળજું ખાવા મળે તો લહેર થઈ જાય !
તેણે મગરને વાત કરી કે, “મને વાંદરીબાઈનું કાળજું લાવી આપો.”
સ્ત્રીહઠની સામે કોનું ચાલ્યું છે કે મગરનું ચાલે? બધા બૈરીના ગુલામ ! નાછૂટકે મગરબાઈની વાત સ્વીકારીને મગરભાઈ પહોંચ્યા વાંદરી પાસે.
પણ કાળજાની માંગણી કરવી શી રીતે? મળી ગયો રસ્તો. વાંદરીબાઈને પોતાની પીઠ ઉપર બેસીને તળાવમાં સહેલગાહ કરવાની ઑફર કરી દીધી. વાંદરી મગરભાઈના આગ્રહને તરછોડી ન શકી. કૂદકો મારીને બેસી ગઈ મગરની પીઠ ઉપર. મગર વાંદરીને તળાવની સહેલગાહ માણવા દીધી.
પછી એકાએક તળાવની બરોબર મધ્યભાગમાં લઈ જઈને વાંદરી પાસે તેના કલેજાની માંગણી કરી દીધી!
મગરે કરેલો વિશ્વાસઘાત વાંદરીથી અજાણ્યો ન રહ્યો. તળાવના મધ્યભાગમાંથી છટકી શકાય તેમ નહોતું. પોતાની ફસામણી સમજાતાં જ વાંદરી વિચારમાં પડી ગઈ. જાતને બચાવવાનો રસ્તો તેને સૂઝી આવ્યો.
મગરભાઈ ! મગરભાઈ! તમારી વાત સાચી છે કે જો જાંબુ મીઠાં છે તો તે ખાનારી મારું કાળજું તો તેથી અનેક ગણું મીઠું જ હોય ને! તમારી મૈત્રીના દાવે મારે તમને તે કાળજું આપવું જ રહ્યું. પરન્તુ તમારે મને પહેલાં વાત કરવી જોઈએ ને ? તમે પહેલાં વાત કરી હોત તો હું કાળજું અહીં સાથે લઈને આવત !!! બન્યું એવું છે ને કે મારું તે મીઠું કાળજું હું ઝાડ ઉપર લટકાવીને આવી છું !!!”
૧૦૨
૩ કર્મનું કમ્યુટર
