________________
મંદતામાં ફરક છે, તેનું શું કારણ ?
તાવ લાવનારું અશાતાવેદનીયકર્મ ચારેને (સ્વભાવની અપેક્ષાએ) એકસરખું હોવા છતાં, તે કર્મ જુદા જુદા બળવાળું હોવાના કારણે તે તે જીવની પીડામાં ફરક છે.
ચાર વ્યક્તિ કરોડપતિ બની પણ તેમાં એક વ્યક્તિને પસીનાનું જરાય ટીપું પાડ્યા વિના, વગર મહેનતે લોટરી લાગી જતાં એક જ ધડાકે એક કરોડ રૂ. મળી
ગયા.
બીજાએ ધંધાને વિકસાવ્યો. રાતોરાત ધંધામાં તેજી આવી અને સામાન્ય મહેનતે કરોડ રૂપિયાની કમાણી તેને થઈ ગઈ.
ત્રીજાએ ગામો ગામ પેઢીઓ ખોલી અને માણસો દ્વારા વેપાર વધાર્યો. બધી પેઢી ઉપર વ્યવસ્થિત દેખરેખ રાખી. દસ વર્ષની મહેનત બાદ તેની પાસે કરોડ રૂ. ભેગા થયા.
જયારે ચોથી વ્યક્તિના ધરના તમામ સભ્યોએ વરસો સુધી કાળી મજુરી કરી પસીનાના રેલા નિતાર્યા, ખૂબ દોડધામ કરી, પાઈ-પાઈનો હિસાબ રાખ્યો ત્યારે કરોડપતિ બનવાનું સુખ તેમને મળ્યું.
કરોડ રૂપિયા તો ચારેયને મળ્યા પણ તે મેળવવાની પ્રક્રિયામાં ફરક પડ્યો. તેમાં તે રૂપિયા પ્રાપ્ત કરાવનારાં કર્માણુઓના બળમાં રહેલો ફરક પણ કારણ હોઈ શકે છે.
કર્માણુમાં જુદા જુદા પ્રકારનું બળ નક્કી થવાનું કારણ તે કર્માણુઓ બાંધતી વખતનો જીવનો જુદા જુદા પ્રકારનો ભાવ (અધ્યવસાય) છે.
ધારો કે સફેદ બાસ્તા જેવાં કપડાંને ધારણ કરતો અને દુનિયામાં ધર્મી તરીકે પોતાની જાતને ઓળખાવતો કોઈ માણસ અંદ૨ખાને લોકોને ભયંકર રીતે ઠગે છે. ખૂબ જ ચાલાકીથી સામેવાળાને શીશામાં ઉતારી દે છે. મીઠી જબાનથી સામેની વ્યક્તિને વશ કરી દઈને તેને ઉલ્લુ બનાવે છે. ગમે તે રીતે બેફામપણે લોકોને છેતરીને ધંધો ક૨વા દ્વારા તે ધૂમ પૈસા કમાય છે.
'
‘ધંધાને અને ધર્મને કાંઈ લાગે વળગતું નથી, ધર્મ તો દેરાસર ને ઉપાશ્રયમાં કરવાનો. ધંધામાં ધર્મની વિચારણા પણ ન કરાય.” આવી વિચિત્ર, તદ્દન ખોટી માન્યતા ધરાવનારો તે પોતાની કમાવાની અન્યાયભરી રીતનો ગર્વ લઈને ફરે છે. તેવી અનીતિની કમાણીથી ભોગવિલાસમાં ચકચૂર બને છે. પોતે કાંઈ ખોટું કરી રહ્યો છે, તેવું માનવા પણ તે તૈયાર નથી. તેનું દુઃખ તો પછી તેને હોય જ શાનું ?”
કર્મોનું બળ પ ૧
