________________
અશાતાવેદનીયકર્મ શાતાવેદનીયકર્મમાં ટ્રાન્સફર થઈ શકે છે.
રમેશ શાંત ન બેસી રહ્યો અને તેણે બીજો ગુનો કર્યો તો તે બીજા ગુનાની ફાંસીની સજાની સાથે જ પહેલા ગુનાની ફાંસીની સજા ભોગવાઈ ગઈ. પાંચ વર્ષ પછી મળનારી ફાંસી વહેલા મળી ગઈ. તેમ (૩) ઉદીરણાકરણ લાગે ત્યારે જે કેટલાંક કર્મો મોડા ઉદયમાં આવવાનાં હોય તે વહેલા ઉદયમાં આવીને ભોગવાઈ જાય છે.
પરેશની ૧૦૦-૧૦૦ ફટકા સહિતની બે વર્ષની સજામાં વધારો થયો અને તેને ૨૦૦-૨૦૦ ફટકા સાથે પાંચ વરસની સજા થઈ, તેમ જો (૪) ઉદ્વર્તનાકરણ લાગે તો કર્મનો સ્થિતિ (સમય) અને રસ (ફટકા-તીવ્રતામાં વધારો થાય છે.
નરેશનો વાંક ઓછો જણાતાં તેની સજામાં ૧૦૦ ફટકામાંથી ૫૦ ફટકા અને બે વર્ષમાંથી માત્ર છ મહિનાની સજા રૂપ જે ઘટાડો થયો, તે (૫) અપવર્તનાકરણને જણાવે છે. અર્થાત આત્મામાં બંધાયેલાં કર્મોની સ્થિતિ (સમય) અને રસ (તીવ્રતા)માં આ કરણથી ઘટાડો થઈ શકે છે.
નરેશનો પેરોલ ઉપર જયારે છુટકારો થયો ત્યારે જેલમાં રહેવા રૂપ કે ફટકા ખાવા રૂપ સજા હકીકતમાં તે સહન ન કરતો હોવા છતાંય તેનો પેરોલનો તે એક મહિનો તેની છ માસની સજામાં જ ગણાઈ ગયો. તેમ (૬) ઉપશમનાકરણ લાગે ત્યારે તે કર્મોના ઉદયનો વિપાક અનુભવ્યા વિના જ તેનો સમય પસાર થઈ જાય છે.
હાઈકોર્ટનો ચુકાદો એટલે (૭) નિદ્ધત્તિકરણ. જેમ હાઈકોર્ટના ચુકાદામાં ફેરફાર કરવાનો અધિકાર માત્ર સુપ્રીમકોર્ટને જ છે, તેમ નિદ્ધતિકરણથી નક્કી થયેલ સ્થિતિ અને રસમાં (૮) નિકાચનાકરણ જ લાગી શકે છે.
પણ મહેશે સુપ્રીમકોર્ટમાં અરજી કરી છતાં છૂટકારો ન થયો. જો કે સુપ્રીમકોર્ટ હાઈકોર્ટના ચુકાદામાં ફેરફાર કરી શકતી હતી. જો તેણે ફેરફાર કર્યો હોત તો પછીથી કોઈ જ તેમાં સુધારો ન કરી શકત. સુપ્રીમકોર્ટનો વિરુદ્ધનો કે તરફેણનો ચુકાદો અંગીકાર કરવો જ પડે. તેમ (૮) નિકાચનાકરણ લાગે એટલે તે કર્મ ભોગવવું જ પડે. તેમાં કોઈ ફેરફાર થઈ શકે નહિ.
પરંતુ રાષ્ટ્રપતિ પાસે અરજી કરવાથી જેમ સુપ્રીમકોર્ટના ચુકાદારૂપ ફાંસીની સજામાંથી મુક્ત થઈ શકાય છે, તેમ શુક્લધ્યાનની ધારામાં નિકાચિત કર્મો પણ ખલાસ થઈ શકે છે. પણ તે સિવાય નિકાચિત કર્મોને ઉદયમાં આવતા કોઈ અટકાવી શકતું નથી.
૧૫૮ 2 કર્મનું ફપ્યુટર
