________________
મહિના બાદ ફરી તે જેલમાં ગયો. જોતજોતામાં બીજા ચાર મહિના પસાર થતાં તે મુક્ત બન્યો. આમ, નરેશ માત્ર પાંચ મહિના જ જેલમાં રહ્યો હોવા છતાં તેની છ મહિનાની સજા પૂર્ણ જાહેર થઈ.
જેલમાં રહેલો રમેશ જંપીને બેસે તેમ નહોતો. એક વર્ષ બાદ તેણે ત્યાં રહેલા પહેરેગીર ઉપર એકવાર જોરદાર હુમલો કર્યો. ઝપાઝપીમાં તેના હાથે પહેરેગીરનું મોત થયું, જેનો કેસ કોર્ટમાં ચાલ્યો. ફરી ફાંસીની સજા જાહેર થઈ.
પરંતુ એક જ વ્યક્તિને બે વાર ફાંસી શી રીતે આપી શકાય ? તેથી જે હવેથી પાંચ વર્ષ પછી ફાંસી આપવાની હતી, તે તરત જ આપવાનો કોર્ટે આદેશ કર્યો. પરિણામે રમેશને તરત ફાંસીના માંચડે ચડવું પડ્યું.
હાઈકોર્ટ વડે પણ ફાંસીની સજા કાયમ રહેતા મહેશે સુપ્રીમકોર્ટમાં અરજી કરી હતી. પણ તેના કમનસીબે સુપ્રીમકોર્ટે પણ તેની તે સજા માન્ય રાખી. હવે ઉપર તો કોઈ કોર્ટમાં અરજી કરી શકે તેમ નહોતો. કારણ કે સુપ્રીમકોર્ટનો ચુકાદો અંતિમ ગણાય છે.
છેવટે સ્નેહીજનોની સલાહથી તેણે રાષ્ટ્રપતિને દયાની અરજી કરી. જો રાષ્ટ્રપતિ ધારે તો તેને ફાંસીની સજામાંથી મુક્ત કરી શકે. બાકી તે સિવાય તો હર્વ ઊગરવાનો તેની પાસે કોઈ જ રસ્તો નથી.
દયાળ રાષ્ટ્રપતિએ તેની સજાને માફ કરી, પરિણામે ફરી આવી ભૂલ કદી ન કરવાનો સંકલ્પ કરીને તે નવી જિંદગી ધર્મારાધનામય પસાર કરવા લાગ્યો.
ઉપરના દૃષ્ટાંત આધારે હવે આઠે કરણો આપણને બરોબર સમજાઈ જશે.
પાંચે મિત્રોએ ખૂન કરતાં નીચલી કોર્ટે જે સજા જાહેર કરી તે (૧) બંધનકરણને જણાવે છે. જયારે આપણો આત્મા કોઈ સારા કે ખરાબ કાર્ય કરે છે ત્યારે કર્મ બંધાય છે, તે વખતે તે કર્મનો ઉદય થતાં જે પરચો અનુભવવાનો છે તે નક્કી થાય છે, કર્મનાં સ્વભાવ-સ્થિતિ-રસ-પ્રદેશ વગેરે નક્કી થાય છે. તે કોર્ટમાં જાહેર થયેલી સજા બરોબર છે. નીચલી કોર્ટ એટલે બંધનકરણ.
પરંતુ નીચલી કોર્ટના ચુકાદા બાદ તે મિત્રો ઉપલી કોર્ટમાં ગયા અને તેમનામાંથી કેટલાકની સજામાં ફેરફાર થયો, તેમ આપણો આત્મા પણ સારાં-નરસાં કાર્ય કર્યા પછી, કર્મ બાંધ્યા પછી જો તેની પ્રશંસાપશ્ચાત્તાપ વગેરે કરે તો તેના કર્મોનો ઉદય થતાં પેદા થનારી પરિસ્થિતિમાં પણ ફેરફાર થાય છે.
જેમકે : નીચલી કોર્ટે દોષિત જાહેર કરેલ સુરેશને ઉપલી કોર્ટે નિર્દોષ જાહેર કર્યો. દોષિત નિર્દોષમાં ટ્રાન્સફર થયો. તેમ (૨) સંક્રમણકરણ લાગતા
આઠ કરણ ૧૫૦
