________________
પામવા લાગે છે, જો નાશ ન પામે તો છેવટે તેના સમય અને તેની તીવ્રતામાં ઘટાડો થાય છે.
પ્રસન્નચંદ્ર રાજર્ષિ સૂર્ય સામે નજર લગાડીને, બાહુ બે ઊંચા કરીને ધ્યાનમાં લીન હતા.
તે વખતે શ્રેણિક મહારાજા પ્રભુવીરની પાસે દેશના સાંભળવા જતા હતા. તેમના એક દૂતે બીજા દૂતને કહ્યું કે, આ રાજર્ષિ ધ્યાન ધરે છે, પણ તેના દીકરા પાસેથી રાજય પડાવી લેવાના પ્રયત્ન તેનો મંત્રી કરી રહ્યો છે વગેરે.
આ શબ્દો સાંભળતાં, રાજર્ષિની કાયા ધ્યાનમુદ્રામાં રહી પણ મનમાં તે મંત્રી પ્રત્યે રોષ પેદા થયો. મનમાં જ તેમણે મંત્રીની સાથે યુદ્ધનો આરંભ કર્યો.
રાજર્ષિ પ્રસન્નચંદ્રની ધ્યાનસાધનાથી પ્રભાવિત બનેલા રાજા શ્રેણિકે ભગવાન મહાવીરને સવાલ પૂછ્યો કે, ‘‘હે ભગવંત ! આ રાજર્ષિ હમણાં મરે તો કઈ ગતિમાં જાય ?’ અને ભગવાને જવાબ આપ્યો કે, ‘‘૭મી નરકે !’’
મંત્રીની સાથે માનસિક યુદ્ધ કરતાં આ રાજર્ષિના કષાયના ભાવોએ ૭મી નરકમાં લઈ જનારાં કર્મો બાંધ્યાં હતાં. પણ ધ્યાનમાં લીન બનેલા રાજર્ષિ ૭મી નરકે જવાના છે, તેવું શ્રેણિક શી રીતે માની શકે ?
તેમણે ફરી પ્રભુને પૂછ્યું, ‘ભગવાન ! હમણાં મરે તો ક્યાં જાય ?’ અને ભગવાન બોલ્યા, ‘‘સર્વાર્થસિદ્ધવિમાન !”
આમ કેમ ? ક્ષણવારમાં એવું તે શું બન્યું ? કે જેથી ૭મી નરકમાંથી સર્વાર્થસિદ્ધવિમાન તરફ આગેકૂચ થઈ !
માનસિક યુદ્ધમાં, મંત્રીથી હાર પામતાં રાજાએ જ્યારે રથ અને શસ્ત્રો પણ ગુમાવ્યા, ત્યારે મંત્રીને ખતમ કરવા પોતાનો મુગટ લેવા રાજર્ષિનો હાથ પોતાના મસ્તકે પહોંચ્યો, પણ મુગટના બદલે માથાનું મુંડન જણાતાં પોતાનું મુનિપણું ધ્યાનમાં આવ્યું. પશ્ચાત્તાપનો અગ્નિ પ્રગટી ઊઠ્યો. જેમ જેમ પાપનો પશ્ચાત્તાપ થતો ગયો તેમ તેમ કર્મોના દળીયાનો સમય અને તીવ્રતા ઘટવા લાગ્યા. ૭મી નરકથી છઠ્ઠી, પાંચમી, ચોથી, ત્રીજી, બીજી યાવત્ પહેલી નરક નક્કી થવા લાગી. હજુ પશ્ચાત્તાપ આગળ વધ્યો. સાથે શુભભાવ પણ જોડાવા લાગ્યો. પરિણામે દેવલોક પહોંચાડનારું પુણ્યકર્મ બંધાવા લાગ્યું. જેમ જેમ ભાવ વધવા લાગ્યા તેમ તેમ તે કર્મોના સમય અને તીવ્રતા વધવા લાગ્યા.
પહેલા દેવલોકથી, બીજો, ત્રીજો યાવત, બારમો દેવલોક, તેને વટાવીને નવ ત્રૈવેયક, છેલ્લે પાંચમા નંબરના અનુત્તર સુધી પહોંચાડે તેટલી તીવ્રતા અને સમયમાં ૧૫૦ @ કર્મનું કમ્પ્યુટર
