________________
તેને ઊલટી પડતી નથી. તેને ગમે છે. તેમાં વાત કરનારનો આદેય નામકર્મનો ઉદય કારણ છે.
તે જ રીતે કુટુંબીજનો માટે, ગામ માટે, સંધ માટે, દેશ માટે, ગમે તેટલું કાર્ય કરવા છતાં, જાતે ઘસાઈ જવા છતાંય ઘણી વાર યશના બદલે અપયશ મળતો દેખાય છે, તેમાં તે કાર્ય કરનારના અપયશ નામકર્મનો ઉદય કારણ છે. તો ક્યારેક તેથી ઊલટું બને છે. કોઈના માટે કાંઈ જ ન કર્યું હોય છતાંય વણમાગ્યો યશ, યશને યશ જ મળ્યા કરે ! કારણ કે યશનામકર્મનો ઉદય ચાલી રહ્યો છે.
બંધનકરણ વખતે આપણા તેવા અવળા પુરુષાર્થ કે દોષોના કારણે અશાતા, અનાદેય કે અપયશ નામકર્મ બંધાયા હોય અને જો તેના શાન્તિકાળમાં આપણે ધર્મારાધના કરવા રૂપ સુંદર પુરુષાર્થ કરીએ તો તેના દ્વારા પ્રવર્તતા આ સંક્રમણકણ દ્વારા તે અશાતાવેદનીયકર્મ શાતાવેદનીયકર્મમાં, અનાદેયનામકર્મ આદેયનામકર્મમાં અને અપયશનામકર્મ યશનામકર્મમાં ફેરવાઈ જાય છે.
તે જ રીતે, પરમાત્મભક્તિ, ગુરુની વૈયાવચ્ચ, સુપાત્રદાન, સામાયિકપ્રતિક્રમણાદિ શુભક્રિયાઓ કરીને બંધનકરણ પ્રવર્તાવ્યું. અને તે વખતે શાતા-આદેય
યશ બાંધ્યા.
પણ પછી તેના શાન્તિકાળમાં, કરેલા તે ધર્મોનો પસ્તાવો કર્યો. પરમાત્માની આશાતના, ગુરુભગવંતોની નિંદા-ટીકા, ધર્મક્રિયાઓનો અનાદર વગેરે કર્યો તો તે વખતે પ્રવર્તતા સંક્રમણકરણ દ્વારા તે શાતાવેદનીય અશાતાવેદનીયકર્મમાં, આદેયનામકર્મ અનાદેયનામકર્મમાં અને યશનામકર્મ અપયશનામકર્મમાં ફેરવાઈ જાય છે.
આમ, અશુભકર્મોને શુભકર્મોમાં અને શુભકર્મોને અશુભકર્મોમાં ટ્રાન્સફર કરનારી ફેક્ટરી એટલે આ સંક્રમણકરણ.
સંક્રમણકરણને જાણ્યા પછી પ્રત્યેક સમયે સાવધાન બન્યા વિના આપણે રહી શકીએ નહિ. પરમપિતા પરમાત્માએ ગૌતમસ્વામીને કહેવા દ્વારા આપણને બધાને કહ્યું છે કે, ‘સમયં ગોયમ મા પમાયએ !' હે ગૌતમ ! તું એક સમયનો પણ પ્રમાદ ન કરીશ.’ તેનું રહસ્ય આપણને બરોબર સમજાઈ જશે.
જો સંક્રમણકરણમાં પૂર્વે બંધાઈ ગયેલા અશુભકર્મોને શુભકર્મોમાં ટ્રાન્સફર કરવાની શક્તિ છે અને બંધાઈ ગયેલા શુભ કર્મોને અશુભ કર્મોમાં ટ્રાન્સફર કરવાની તાકાત છે તો તેનો અર્થ એ થયો કે જો આપણે ધર્મારાધના વડે સતત શુભભાવોમાં રહીએ તો
-
આઠ કરણ - ૧૩૭
