________________
કે ગોવાળિયાના ઉપસર્ગો જાણે કે હજુ ઓછા લાગતા ન હોય, તેથી ભવિષ્યમાં ઉદયમાં આવનારા, હજુ જેનો શાન્તિકાળ ચાલી રહ્યો છે, તેવા કર્મોની ઉદીરણા કરી કરીને, તેનો ખાત્મો બોલાવવા સામે ચાલીને અનાર્યદેશમાં ગયા.
ત્યાંના અનાર્ય લોકોના પથરા ખાધા. ગાળો સહન કરી. ભયાનક દુઃખો વેઠ્યા. અને તેના દ્વારા અનંત કર્મોની ઉદીરણા કરીને ખાત્મો બોલાવ્યો.
એક વાત નક્કી છે કે ભૂતકાળના અનાદિકાળમાં અનંતાભવો આપણે કરીને આવ્યા છીએ. તે તે ભવોમાં અનંતાં પાપકર્મો પણ બાંધ્યાં છે. તેમાંનાં ઘણાં કર્મોનો હાલ શાન્તિકાળ ચાલી રહ્યો છે. તેથી આપણે સુખી છીએ. સ્વસ્થ છીએ, નીરોગી છીએ, પ્રસન્ન છીએ.
પરતુ જયારે તે કર્મોનો શાન્તિકાળ પૂર્ણ થશે ત્યારે તો તે કર્મના ઉદયે જીવનમાં હેરાન-પરેશાન થવું જ પડશે. તેમાંથી શી રીતે છટકી શકાશે? જો તે સમયે શારીરિક કે માનસિક અનુકૂળતા નહિ હોય તો તે દુ:ખો સમતા ભાવે સહન તો નહિ થઈ શકે. પણ આર્તધ્યાનમાં ફસાઈ જઈને નવા અનંતા પાપકર્મોનો બંધ થશે. જેના ઉદયે ફરી દુ:ખો–ફરી નવાં કર્મોનો બંધ વગેરે ચાલ્યા જ કરશે.
તેના કરતાં જો અત્યારે શારીરિક-માનસિક વૃતિ પ્રાપ્ત થઈ છે, બધી અનુકૂળતા છે તો સામેથી દુઃખોને વધાવીને, પાપકર્મોની ઉદીરણા કરવાનું શરૂ કરીએ. તે માટે શક્ય તેટલી વધુ તપ કરીએ. જીવનને ત્યાગથી ભરપૂર બનાવીએ. ખુલ્લા પગે પ્રસન્નતાથી ચાલવાની પ્રેક્ટીસ કરીએ. વાયુકાયની સતત કતલ કરતાં ત્રણ પાંખડાના કતલખાનારૂપ પંખાના પવનને તિલાંજલિ આપીએ. શક્ય હોય તો સાધુજીવન જ સ્વીકારી લઈએ. 'Invite Difficulties' ને જીવન સૂત્ર બનાવીએ.
પ્રતિકૂળતાને વધાવવાના અનેક લાભો છે. તેમ કરવાથી પાપ કર્મો ઉદીરણાથી ભગવાઈને નાશ પામે છે. પ્રતિકૂળતામાં શક્તિઓ ખીલી ઊઠે છે. સત્ત્વ પ્રગટે છે. સાત્ત્વિકતા વધે છે. શૌર્ય પ્રગટ થાય છે. જીવન જીવવાનો ઉલ્લાસ પેદા થાય છે.
જેમ પાપકર્મોની ઉદીરણા કરવા તપ-ત્યાગ અને તિતિક્ષાનું જીવન જીવવાનું છે, તેમ પુણ્ય કર્મની ઉદીરણા થતી અટકાવવા ફેશન અને વ્યસનથી મુક્ત સાદગી ભરેલું જીવન જીવવાનું શરૂ કરવાનું છે.
જેમ ભૂતકાળના ભાવોમાં બંધાયેલાં ઘણાં પાપકર્મોનો શાન્તિકાળ ચાલી રહ્યો છે, તેમ ત્યારે બંધાયેલાં ઘણાં પુણ્યકર્મોને પણ શાન્તિકાળ ચાલી રહ્યો છે.
જો તેને પરાણે-ઉદીરણા કરાવીને-ઉદયમાં નહિ લાવીએ તો બેલેન્સમાં પડેલા તે પુણ્યકમો શાન્તકાળ પૂર્ણ થતા ઉદયમાં આવીને સુખ આપવાના જ છે.
આઠ કરણ B ૧૪૩
