________________
જીવનમાં કરેલી સુંદર મજાની આરાધના સ્વપ્રશંસાના કારણે ધોવાઈને સાફ થઈ જાય છે.
(૫) ધર્મજનોની હાંસી : ધર્મની આરાધના કરનારા જીવોની મશ્કરી કરવાથી, કે તેમને ભગત, વેદિયા, ઢોંગી, ધરમના પૂછડા વગેરે શબ્દોથી બોલાવીએ તોપણ નીચગોત્રકર્મ બંધાય.
(૬) દુગંછા કરવાથી : સાધુ-સાધ્વીના મલમલિન વસ્ત્રો કે શરીરના અવયવો જોઈને ચીતરી ચડવાથી, તેની હાંસી કરવાથી, થુથુ કરવાથી, નીચગોત્રકર્મ બંધાય છે. દુર્ગછા કરવાથી પૂર્વભવમાં મેતારક મુનિએ નીચગોત્રકર્મ બાંધ્યું હતું. જેના ઉદયે તેમણે ચાંડાલકુળમાં ઊપજવું પડ્યું!
જો નીચ કૂળમાં જન્મ લેવો હોય તો ઉપરની વાતો ઉપર મનન-ચિંતન કરીને, સત્વરે તેનો સદંતર ત્યાગ કરવાનો નિશ્ચય કરી દેવો જોઈએ.
ઉચ્ચગોત્રકર્મ બંધાવનારા હેતુઓ:
(૧) દેવ-ગુરુની ભક્તિ : પરમાત્માની અને પરમાત્માની સારી ઓળખાણ કરાવનારા ગુરુભગવંતની ભક્તિ કરવાથી ઉચ્ચગોત્રકર્મ બંધાય છે.
(૨) વિનય-વૈયાવચ્ચઃ ગુરુભગવંતનો વિનય સાચવવાથી તથા તેમની સેવાશુશ્રુષાદિ વૈયાવચ્ચ કરવાથી પણ ઉચ્ચગોત્રકર્મ બંધાઈ શકે છે.
(૩) ભણવું- ભણાવવુંઃ ધાર્મિક સૂત્રાદિ ભણાવાથી તથા અન્યને તેના પાઠાદિ આપવાથી, તીવ્ર લગનપૂર્વક ભણાવવાથી ઉચ્ચગોત્રકર્મ બંધાય છે.
(૪) પ્રાયશ્ચિત્તાદિઃ થઈ ગયેલી ભૂલોનું પ્રાયશ્ચિત્ત કરવાથી થયેલાં પાપો તો નાશ પામે છે, પણ સાથે ઉચ્ચગોત્રકર્મ પણ બંધાઈ શકે છે.
આ ઉચ્ચ ગોત્રકર્મના ઉદયથી ઐશ્વર્ય અને સત્કારાદિથી યુક્ત ઉત્તમ જાતિ અને ઉત્તમકુળમાં જન્મ મળે છે.
૧૧૬ g
કર્મનું કમ્યુટર
