________________
લાવે તેવું ૧૦૦૦ વર્ષનું (૧૦૦ વર્ષ શાંતિકાળ અને ૯૦૦ વર્ષ વિપાકકાળવાળું) અશાતા વેદનીયકર્મ બાંધ્યું. પરંતુ ૧૦૦ વર્ષના શાન્તિકાળ દરમ્યાન જો તે આત્મા તેનો ભારોભાર પશ્ચાત્તાપ કરે, જીવદયાના સુંદર કાર્યો કરે, અનેકોની દુઆ મેળવે તો તે કેન્સર કરનારી અશાતા વેદનીય કર્મની રજકણોનો સ્વભાવ સુખ આપવાનો બની જાય, એટલે કે તે કર્મ અશાતાવેદનીય મટીને શાતાવેદનીય બની જાય. તેનો જ્યારે શાંતિકાળ પૂર્ણ થશે ત્યારે તે દુઃખ આપવાના બદલે સુખ આપશે.
કર્મનો ઉદય જયાં સુધી નથી થયો ત્યાં સુધીમાં કરાતા સાચા પુરુષાર્થથી ખરાબ કર્મો સારા કર્મોમાં ફેરવાઈ જાય છે, તે વાત સમજવા રોકફેલરના જીવનનો પ્રસંગ ઉપયોગી બનશે.
અમેરિકાના સૌથી વધારે શ્રીમંત ગણાતા રોકફેલરે પોતાની આત્મકથામાં, પોતાની પુખ્તવયમાં આવેલી માંદગીની વાત લખી છે.
એ માંદગી એમને ખૂબ જ અસહ્ય થઈ પડી હતી. રાત્રે ઊંઘ આવતી નહોતી. દિવસે પણ આંખ મીંચાતી નહોતી. નિદ્રાદેવીએ જાણે કે તેમની સાથે અબોલા લીધા હતા. - શ્રીમંતાઈના જોરે અનેક ડૉક્ટરોની દવા ચાલતી હતી, પણ કોઈ રીતે માંદગી દૂર થતી નહોતી. અનેક રાત્રિઓના ઉજાગરા થઈ ગયા. તેઓ ત્રાહિમામ્ પોકારી ગયા. અતિ ત્રાસેલા તેમણે ડૉક્ટરોને પણ ઊધડો લઈ નાખ્યો, જે અડફેટમાં આવ્યા તે બધાને ધમકાવી નાંખ્યા, “પ્રેમની વાતો કરનારાનો પ્રેમ ક્યાં ગયો? મારા દુઃખમાં કેમ કોઈ ભાગીદાર થતાં નથી ? તમારી લાગણી ભરેલી મીઠી મીઠી વાતો ક્યાં ગઈ? શું મારું સાચું સગું કોઈ જ નથી? મારા આત્માને શાંતિ કોઈ નહિ આપે?
એક રાત્રિની વાત છે. ભયંકર પીડા ચાલુ છે. બધા સૂઈ ગયા છે, પણ તેને ઊંઘ આવતી નથી. પડખાં ફેરવવાનું ચાલુ છે. વિચારોએ મન ઉપર કબજો જમાવ્યો છે. ‘આટઆટલી સંપત્તિમારી પાસે હોવા છતાંય, સારામાં સારા ડૉક્ટરો મારી તહેનાતમાં હોવા છતાંય, આટલા બધા સ્વજનો સેવા કરતાં હોવા છતાંય, ભૌતિક દૃષ્ટિએ કોઈ વાતની કમી ન હોવા છતાંય મારું દુ:ખ કેમ દૂર થતું નથી? શું કારણ?
આજ સુધી હું એમ જ માનું છું પૈસો એ જ સર્વસ્વ છે. પૈસાથી જ બધું થાય. આ દુનિયામાં કોઈ ચીજ એવી નથી કે જે પૈસા વડે ન મેળવી શકાય ! જગતમાં પૈસા જેવી મૂલ્યવાન ચીજ કોઈ નથી. જેની પાસે પૈસો છે, તેની પાસે સ્વર્ગનાં તમામ સુખો છે. તેની પાસે એકાદ નાનકડું દુઃખ પણ ટકી શકતું નથી.
પૈસાથી ખાવા-પીવાનું મળે. પહેરવા-ઓઢવાનું મળે. માન-સન્માન મળે.
કર્મોનો કાળ
B ૧૨૯
