Book Title: Hitopadesh
Author(s): Prabhanandsuri, Parmanandsuri, Kirtiyashsuri
Publisher: Sanmarg Prakashan
View full book text
________________
हितोपदेशः । गाथा-४४५ - व्रतस्य सुदृढपरिपालने चेटकनरेन्द्रकथानकम् ।।
४१७
अहनिम्महिएवरुणेसविसेसंपोरिसंपयडिराणं ।चेडयचंपेसबलाणजायमाओहणंघोरं ।।१०१॥कहंविय - पवडंतगयं विहडंतहयं पसरंतसरं निवडंतनरं । पुलयंतभडं निवडतधडं विदलंतरहं अवहंतपहं ।।१०२।।
अवि य - हिसंतआसघट्टयं पढंतभूरिभट्टयं, दुक्कंतमत्तवारणं भडाण तुट्ठिकारणं । रसंततारतूरयं जोइजमाणसूरयं, समुल्लसंतजोहयं घडंतसंदणोहयं ।।१०३।। ढलंतचारुचामरं पडतछत्तडामरं, वजंतजुद्धढक्कयं अनुनमुक्कहक्कयं । फुरंततिक्खखग्गयं बलाण ताण लग्गयं, पयंडकोवकारणं परुप्परं महारणं ।।१०४।। चेडयबलेण तत्तो कवलितं नियं बलं दटुं । कोलु ब्व विगाहेउं सागरवूहं समग्गं पि ।।१०५ ।। संपत्तो चंपेसो वेसालीनाहसनिहाणम्मि । तेणावि दिब्बबाणो पुव्वपओगेण पम्मुक्तो ।।१०६।। सक्केण वज्रकवओ विउविओ कोणियस्स अह पुरओ । कालायससत्राहो चमरेण वि पिट्ठओ विहिओ ।।१०७।। अह कुलिसकक्कसो वि हु खलिओ विसिहो स तम्मि कवयम्मि । चेडगबलेण तइया मुणिओ पुत्रक्खओ पहुणो ।।१०८।। मुंचइ न सञ्चसंधो बीयं बाणं स तम्मि चेव दिणे । ओहट्टि ठियाई बलाई तो दो वि रयणीए ।।१०९।। बीयदिणे वि हु जाओ मोहसरो चेडओ महीनाहो । एवं जायइ तेसिं दिणे दिणे जुद्धमइघोरं ।।११०।। दोसु वि बलेसु तइया असीइलक्खाहिया सुहडकोडी । जा किर रणे विवन्ना सा तिरिनरएसु उववन्ना ।।१११।। गणरायबलेसु तओ पलायमाणेसु चेडगो राया । वेसालीइ पविट्ठो रुद्धा सा कूणिएण तओ ।।११२।। सेयणयगयारूढा हल्लविहल्ला निसासु सत्तुबलं । आलोडिऊण सयलं कुसलेण पुरीइ पविसंति ।।११३।। धरणे व मारणे वा न खमा ते तस्स हत्थिमल्लस्स । दीसइ खणं न दीसइ जं सो मायामयंगु व्व ।।११४ ।। बाढमुवताविएणं सचिवा चंपाहिवेणुवालद्धा । अइगंभीरं खायं कारिति गयागमणमग्गे ।।११५ ।। खाइरअंगारेहिं पूरित्ता तं च उवरि छायंति । अह निसि हल्लविहल्ला सेयणयगया गया तत्थ ।।११६ ।। मुणिऊण विभंगेणंखायं अवगणियअंकुसो हत्थी ।नचलइ पयं पिजा ता कुमरेहितच्छि[जि]ओ एवं ।।११७।। अंगीकओ वि एसो नियबंधू विहु अबंधवो विहिओ । तह अन चेडगो वि हु वसणसमुदंमि पक्खित्तो ।।११८।। रे पसुय ! तुज्झ कज्जे संपइ संगामकायरो होउं । अवगणसि अम्ह कजं अणज ! अवगणियमजाय ! ।।११९।। अविउत्तसामिभत्ती साणो वि हु सुंदरो तुमाहितो । अरिसंकडंमि एवं पडिकूलो कीव ! न उण तुमं ।।१२०।। निब्भच्छिओ वि एवं अञ्चतं सामिभत्तिजुत्तो सो । ओयारिऊण कुमरे बला वि नियपिट्ठभागाओ ।।१२१।। पडिओ झंपं दाउं खायंमि स तंमि जममुहसमाणे । मरिऊण य उववनो नेरइओ पढमपुढवीए ।।१२२।। दटुं तं तह कुमरा अइदुस्सहसोगपावगपलित्ता । इय सोइउं पवत्ता सेयणयगइंदमुद्दिसिउं ।।१२३।।
Jain Education International 2010_02
For Private & Personal Use Only
www.jainelibrary.org
Page Navigation
1 ... 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 517 518 519 520 521 522 523 524 525 526 527 528 529 530 531 532 533 534