Hitopadesh

Author(s): Prabhanandsuri, Parmanandsuri, Kirtiyashsuri
Publisher: Sanmarg Prakashan

Page 461

४१६
हितोपदेशः । गाथा-४४५ - व्रतस्य सुदृढपरिपालने चेटकनरेन्द्रकथानकम् ।।
पक्खुहियमणो तत्तो चंपानाहो विचिंतए एवं । दिव्वपभावेण धुवं निहणइ मायामहो मज्झ ।।७४।। अमुणियमाहप्पेणं इमस्स एए मए हयासेण । अप्पसमाणा निहणं हद्धी नियबंधुणो नीया ।।७५।। अवसरिउं पि न जुत्तं मह माणधणस्स संपयं इत्तो । आराहिस्सं देवे अहं पि ता पाडिहेरकरे ।।७६।। इय निच्छिऊण काऊण अट्ठमं संठिओ स पणिहाणे । पुवभवपरिचएणं तवप्पभावेण य तओ से ।।७७।। सक्को चमरो य पुरो पयडीहोऊण भणइ नरनाहं । किं तुज्झ पियं कीरेइ वजरसु मणवंछियं निययं ।।७८।। सो भणइ जइ पसन्ना तुब्भे ता हणह चेडयनरिंदं । सोहम्मवई जंपइ नरवर ! अवरं वरं वरसु ।।७९।। साहमिओ खु मझं चेडयराया न तं विणासेमि । किं तु तुह देहरक्खं काहं तप्पहरणेहितो ।।८।। चमरो वि सिलकंटयरहमुसले तस्स देइ दो जुद्धे । पढमंमि कक्करो वि हु सिलासमो पडइ सत्तुबले ।।८१।। तह कंटओ वि पहरणकजं निवडतओ कुणइ तत्थ । बीयम्मि य रहमुसला भमंति सयमेव रिउसिन्ने ।।८।। इय दाऊण वराइं अंतरिएसुं सुरासुरपहूसु । पमुइयमणो पयट्टो पुणो वि कोणियनिवो समरे ।।८३।। सुरअसुरसामिएहिं कयसत्रिज्ञण तेण पारद्धं । पडिवक्खपक्खविक्खेवबद्धकक्खं महासंखं ।।८४।। इत्तो चेडयरना नागस्स रहिस्स नत्तुओ वरुणो । विहिओ सेणानाहो सुसावगो बारसवयड्डो ।।८५।। निझं पि छट्ठभोई उवरिं छट्ठस्स अट्ठमं काउं । रायाभिओगवसओ तंमि पविट्ठो रणे भीमे ।।८।। हक्कतो जंबुयपेडयं व परचक्कमिक्कहेलाए । चंपेसचमूवइणो सीहो इव सम्मुहो जाओ ।।८७।। तेणावि जंपिओ सो पहरसु पढमं ति भणइ अह वरुणो । गहियव्वउ म्हि पुब्बिं अकयपहारे न पहरेमि ।।८८।। अह साहु साहु भणिरेण मगहनाहस्स सो चमूवइणा । बाणेण दढं पहओ कोवकडक्खेण व जमस्स ।।८९।। उप्पन्नअमरिसेणं वरुणेण वि रोसअरुणनयणेणं । इक्केण कंकपत्तेण सो कयंतातिही विहिओ ।।१०।। सयमपहारविहुरो रणरंगाओ विणिग्गओ झत्ति । काऊण दब्भसंथरमिय चिंतेउं समारद्धो ।।९१।। सव्वप्पणा वि विहियं देहेण इमेण सामिणो कजं । काउं नियकजं पि उ संजाओ अवसरो इन्हेिं ।।१२।। तो सिद्धाण समक्खं आलोयइ सयलपावट्ठाणाणि । उचारेइ वयाई खामेइ य सव्वसत्ताणि ।।१३।। पडिवजिऊण तत्तो चउविहाहारमणसणं धीरो । धम्मज्झाणनिलीणो सुमरियपरमिट्ठिपंचपओ ।।१४।। पशक्खं पिव पुरओ पिक्खंतो पणमिरो य पुणरुत्तं । धम्मायरियं निययं चरमजिणं सिरिमहावीरं ।।१५।। सुहलेसो मरिऊणं चउपलियाऊ सुरो स सोहम्मे । अरुणाभंमि विमाणे संजाओ दिव्वरूवधरो ।।१६।। अहतस्स समरमहियम्मितम्मि देहम्मि तियसनियरेहिं । साहु अहो ! आराहियमिमेण इय जंपिरेहिं तया ।।९७।। मुक्को कुसुमुक्केरो तयाइ जाओ जणप्पवाओ जं । धारातित्थम्मि हया एवं सग्गंमि वचंति ।।१८।। तत्तो चुओ विदेहे स सिज्झिही तयणु से तया मित्तो । एगो पहारविहुरो मिच्छद्दिट्ठी वि लहुकम्मो ।।१९।। वरुणस्स जहादिह्र सयलं पि हु चिट्ठियं अणुटुंतो । मरिउं मणुओ जाओ महाविदेहम्मि सिज्झिहिही ।।१००।।
_Jain Education International 2010_02