Gyanpanchami Katha

Author(s): Maheshwarsuri, Jinvijay
Publisher: Singhi Jain Shastra Shiksha Pith Mumbai

Page 90

१, ४१८ - ४४४] नाणपंचमीकहाओ- १. जयसेणकहा
१७ गायइ हसइ वियंभइ सयणाइसु णेव ठाई खणमेत्तं । आलिंगइ सहिययणं सुन्नं चिय देइ पडिवयणं ॥४१८
खणि खणि धावइ बाहिं खणि खणि लोलेइ कुट्टिमतलम्मि ।
खणि खणि रुवइ सदुक्खं खणि खणि मुच्छं च पावे ॥ एवमवत्थं तीसे एगा दट्टण ताण मज्झाओ । नरवइणो गंतूणं हिट्ठा विनिवेयए सिग्धं ॥ ४२० न सहंती नामं पि हु पुष्विं पुरिसाण जा महाराय !। जयसेणदंसणेणं सा भिन्ना मयणबाणेहिं ॥ २१ अह तुट्ठो नरनाहो तीसे दाऊण अंगलग्गं तु । लक्खं च देइ सिग्धं दम्माणं हरिसउल्लसिओ ॥ २२ सित्तो हं अमएणं एयं वित्तंतयं कहतीए । सुयणु ! तुमाए अजं कजं देवाण वि असज्झं ॥ २३ जयसेणो विय सुहओ जयसेणो चेवं सुंदरो एत्थ । जयसेणो चेव गुणी कंचणचित्तं हियं जेण ॥ २४ इय जंपिऊण बहुयं राया सयमेव लोयपरियरिओ । गुणसेणघरे पविसइ कयसम्माणो जणाइण्णो॥२५ काऊणं पडिवत्ति' गुणसेणो रायसम्मुह भणइ । देव ! पवित्तं जायं मह भवणं तुज्झ चलणेहिं ॥२६ नरवइणो मुणिवसहाँ गुणिणो समणा य एत्थ लोयम्मि। धण्णाण घरंगणयं कमंति पायारविंदेहिं ॥२७ नरनाहो गुणसेणं हत्थे गहिऊण जंपए वयणं । दिन्ना मे नियधूया जयसेणस्सऽद्धरज्जं च ॥ २८ अह जंपइ गुणसेणो जोडियहत्थो" चलंतसिरकमलो । राय-वणियाण सामिय ! संबंधो लोयहसणिजो॥२९ नरवइणा वि हुँ भणियं सुयणु ! म जंपेसि" एरिसं वयणं । गुणवंताणं जेणं संबंधो सोहमाहवइ ॥ ४३० जाईए भिन्नाण वि सगुणाणं सोहमेव संबंधो । आहरणनिविडाणं मणीण जह कंचणजुयाणं ॥ ३१ अन्नं च वन्नभेओ कम्मवसेणं जणाण संजाओ । आईए सव्वं पि हु जहँ सीसई एगवन्नं तु ॥ ३२ अहवा जुत्तमजुत्तं एयं न गणंति पत्थणे गरुया । दिन्नं कन्नेण जओ विट्ठ(ण्हु)स्स सरीरकवयं पि" ॥३३ पच्छा गुणसेणेणं पडिवन्ने रायसंतिए वयणे । राया पहरिसपुन्नो नियभवणं पत्थिओ सहसा ॥ ३४ तत्तो कमेण जाए पाणिग्गहणम्मि तीऍ कुमरीए । गय-हय-रहमाईणं* जयसेणस्सऽद्धयं दिन्नं ॥ ३५ दोहिँ वि भजाहिँ समं जयसेणो भुंजए तहाँ भोए । दोण्ह वि जुवईण जहा अहिययरं अत्तबहुमाणो॥३६ एयं चिय पंडिचं वन्निजइ एत्थ" लोयमज्झम्मि । चित्तुत्तिन्ने वि जणे वट्टिजइ हिययइटे ॥ ३७ सुरसेणो पढमाए बीयाए नंदसेणनामो य । जयसेणसुया जाया गुणगणकलिया महासत्ता ॥ ३८ पुत्तजुओ जयसेणो मन्नइ दाराण संगहं सहलं । अन्नो वि जणो जंपइ वयणं खलु एरिसं जेण ॥ ३९ रइ-पुत्तफला भजा लच्छी वि हु दाण-भोगफलसारी । निबुइफलो य मित्तो धम्मफलाइं च सत्थाई॥४४० जाव कमेण पत्ता दोणि वि पुत्ता उ तस्स तारुन्नं । चंदप्पहो वि देवो ताव य एवं विउव्वेइ ॥ ४१ रूवेण कामदेवो सद्देणं तुबरु व गुणनिलओ । नट्टायरिओ सहसा नियपरियणसंजुओ पत्तो ॥ ४२ गीएण वाइएणं बहुविहपत्तेहिँ नच्चमाणेहिं । अक्खित्तो सव्वजणो तेणं नयरीऍ मज्झम्मि ॥ ४३ राया वि पुहइचंदो कोउगभरिओ जणाउ सोऊणं । आणावेउं सिग्घं नट्टायरियं इमं भणइ ॥ ४४४
1A हाइ। 2A नेय। 3 C मज्झम्मि। 4 Cहा। 5 B चिय; Cचिय। 6A नवर। 7 B पडिवत्ती। 80 °सम्मुहो। 9 B C वसभा। 10 B मुणिणो। 11 C"विंदेणं। 12 A D तो। 13 Bहस्था। 14 B वलंत। 15 Coसिरि। 16 A य। 17 BC जपेसु । 18 B निबद्धाणं। 19 B संजातो। 20 BC जेण। 21 B C आसी। 22 B ति। 23 C यहरिस। 24 Bरह] देसाणं। 25 AC it is missing in these Mss. 26 B जहा। 27 B इत्थ। 28 B भट्टे। 29 B व। 30 B C नंदिसेण। 31 A पुन्न-दाण-भोगफला। 32 Cit is missing in this Ms. 33 CD कमेणं । 34 A. दोण्डि: Cदोन्न। 35A य। 36 BC एयं। 37A. तुंबुरो; B तुंबरो। 38 B वाइएण य । 39 Bपुहविचंदो।
नाणपं०३