Gyanpanchami Katha

Author(s): Maheshwarsuri, Jinvijay
Publisher: Singhi Jain Shastra Shiksha Pith Mumbai

Page 125

५२ सिरीमहेसरसूरिविरइयाओ
[८, ८३ -- १११ मणइच्छियं पि जायं दोसो वि हु अवणिओ' मए ताव । देवमई अइतुट्ठा नियगेहं पाविया पच्छा।।८३ धरणो वि मणे चिंतइ जस्स पहावेणं पावियं रज्जं । तं जइ सुकयं सच्चं ता चलणा होंतु अचिरेग ॥ ८४ तं नस्थि जं न सिज्झइ पुन्नेहिँ समन्नियाण जीवाणं । तेणं चिय पुन्नाई करेंति जाणंतया निचं ॥ ८५ हियए विजं न मायइ जंन वि जुतीहिँ घडइ लोयम्मि । दूरं जं च असझं तं पि हु पुन्नेहिँ संपडइ ।। ८६ इय चिंतिऊण बहुयं कुणइ मणे निच्छियं इमं धरणो। जाव न जाया चलणा ताव न भुंजामि असणीयं ।।८७ निच्छयरहियाण जणे कजं न हु सिज्झए अणूयं पि । निच्छयजुत्ताण पुणो गरुयं पि हु सिज्झए कजं ॥८८ कइवयदिवसेहिँ तओ आउट्टा रायदेवया अहियं । भूमीसयणम्मि ठियं धरणं पड़ जंपए एयं ॥ ८९ कीस तुमं आदन्नो? तुट्ठा हं पुत्त ! तुज्झ सत्तेणं । तुह पाया संजाया अन्नं पि य भणसु जं कजं ॥९० धरणेण वि सा भणिया कुणसु पसायं करेसु मह एयं । काऽसि तुमं वरसामिणि कीस पसन्ना महं तं सि?॥९१ किं उवचिन्नो" दिन्नो एस वरो अहव इयरहा चेव । पाया वि" मज्झ नहा केण वै दोसेण सहस ति॥९२ कुलदेवया तवाहं नियओ साहम्मिओ" य त मज्झ । सत्तेण य परिकलिओ तेण पसन्ना अहं तुज्झ॥९३ उवचिन्नो चेव तए एस वरो पंचमीऍ माहप्पी । तेण न किलिट्ठकम्मो निमित्तमेत्तं अहं एत्थ ॥ ९४ तुह असुहकम्मपरिपेरियाएँ कवंडण देवमइयाए । जोगियपाणहियाहिं चरणाण विणासणं जायं ॥ ९५ परिपुच्छिऊण धरणं कहिऊणं कोसलस्स सव्वं पि । नियठाणं संपत्ता कुलदेवी रयणिविरमम्मि ॥ ९६ अह जायम्मि पहाएं दटुंधरणस्स चरणसम्भावं । लोओ विम्हयभरिओ अहिययरों मिलिओ"कोड्डेणं"॥९७ जणमझगओ धरणो जंपइ लोयाण बोहणनिमित्तं । वयणं मणाभिरामं सुइसुहजणयं च सव्वाणं ॥९८ कह नै सुओ जिणधम्मो जस्स पभावेण एरिसं कजं ? । पच्चक्खं चिय जायं देवाण वि तोससंजणयं ॥९९ सिरिपंचमीबलेणं सवं पि हु पावियं मए एयं । पुणरवि करेमि तं चिय पञ्चक्खं दिपच्चइयं ॥१०० बहुएहिँ समं गहियाँ पुणरवि धरणेण पंचमी तइया । गंतूणं जिणभवणे सूरीणं पायमूलम्मि ॥ १ कोसलनरवइणा विहु पूर्य काऊण जिणवरिंदाणं । रइयं वद्धावणयं दिवसाणं जाव मासं तु ॥ २ वित्ते वद्धावणए दिन्ने दाणम्मि बहुपयारम्मि । देवमई पट्टविया पिउगेहे विनडिउं बहुहीं ॥ ३ अन्नदियहम्मि राया धरणं अहिसिंचिऊण नियरजे । जुवरजे पुण महणं दिक्खं जिणदेसियं लेइ ॥४ धरण-महणाण दोण्हँ वि रज्जसिरि तत्थ भुंजमाणाणं । वच्चइ कालो बहुओ कलियाणं धूय पुत्तेहिं ॥ ५ देवमइया वि तत्तो अट्ट-दुह-ट्रेहिं संजुया पावा । मरिऊणं उववन्ना अइरुद्दा वाणमंतारया ॥ कोसलमुणिं च दई एगंते झाणसंठियं संतं । चिंतइ रासाविट्ठा इहि विनडेमि एयं पि ॥ ७ पावेण इमेण अहं विनडेउं सबलोयपञ्चक्खं । नीसारिया अयंडे नियहियएण रुद्वेण ॥ ८ अगणिय निययं दोसं मुणिणो उवार करेइ सा रोसं । अहवा पाएण जणो एरिसओ चेव संसारे ॥ ९ काउं धणवइरूयं आगंतुं कोसलस्स पामूले । भणइ रुयंती एयं पुत्तेहिँ निसारिया अयं ॥ ११० अणुकूलय-इयरेहिं उवसग्गेहिं न सक्किओ जाव । खोहे "मुणिवसहो ताव य खग्गेण सो छिन्नो॥११
___ 1 B अवणितो। 2 B देवमती। 3 B पभावेण। 4 B समशियस्स . 5 B लोयम्मि । 6 B सुचिरं । 7 A निच्छियं। 8 Bअसणाई। 9A निच्छिय। 10 B सहियाण। 11 C एयं। 12 B कि पि। 13 Bउवचित्तो। 14 A य। 15 B य। 16 B साहम्मितो। 17 Bit is not to Ms. 18 B तुम। 19 B परिकलितो। 20 A उवचित्तो। 21 B माइप्पं । 22 B मिस । 23 B योगिय। 24 B पभाए। 25 Bit is not in this Ms. 26 C मिलिय। 27 B कोडेण; C कुण । 28 B°गतो। 29 B °ट्टाए । 30 B लोयाणं। 31 B म । 32 B सुहो। 33 B जायं। 34 B°पंचमि । 35 B°करणेणं । 36 B एवं । 37 B दिट्रि। 38 Bधरिया। 39 B विडियं । 40 B बहुयं । 41 Cजुय । 42 B महणेण । 43 A दोनि। 44 Cसा वि। 45A एण्हि। 46 A'रूबं। 47 BD खोमेड 48 B°वसभो।