Gyanpanchami Katha

Author(s): Maheshwarsuri, Jinvijay
Publisher: Singhi Jain Shastra Shiksha Pith Mumbai

Page 97

२४ सिरीमहेसरसूरिविरइयाओ
[२, १०३ -१२० अप्पाणस्स परस्स य कीरंतो मुत्तिसाहओ चेव । नेहो वि धम्मकज्जे परंपरेणेह संसारे ॥१०॥ पढमेत्थ ताव ताओ वीयं गुरुभाइओ महं तं सि । तुह बोहणानिमित्तं तेणाहं आगओ भद्द ! ॥ सो चेव हवई बंधू जो मोयई कम्मबंधओ नियमा । जो पुण बंधइ तेणं तं सत्तुं मुणसु तत्तेणं ॥ नंदो वि भणइ एवं पढमं तं आसि मज्झमवियारं । पुत्तो सामी य तओ धम्मायरिओ इयाणिं तु ॥ ६ इहलोए चिय सुहओ पुत्तो सामी य एत्थ लोयम्मि । इह-परलोयसुहाई धम्मायरिओ उ संजणइ ॥७ इय नाऊणं एवं मझं तं चेव कहसु परमत्थं । कइया हं पावेज्जा संसारुत्तारणिं दिक्खं? ॥८ तो बोल्लई सुरकेली कलं चिय एत्थ नयरिवर्णमज्झे । सिरिभद्दो आयरिओ अवयरिओ गुणगणावासो ॥ ९ मासम्मि इओ दियहा दिक्खा तव तस्स पासओ" होही । कले तुह सुयजम्मो जाणेज्जसु पञ्चयं एयं ॥११० वत्थाऽऽ-हरणाईयं दाऊणं तस्स सुरवरो मुइओ। संपत्तो नियठाणं गंतूणं रयणिविरमम्मि ॥११ उइयम्मि तओ सूरे नंदो गंतूण तत्थ वणसंडे । अहिवंदइ सिरिभई भत्तीए परियणसमेओ ॥१२ पच्छा जोडियहत्थो उवविठ्ठो महियलम्मि गुरुपुरओ। धम्म सुणेइ पणओ निविन्नो जम्म-मरणाणं ॥ १३ निसुयम्मि तहिं धम्मे सुट्ठयरं विसयसोक्खनिम्विन्नो। पभणइ सूरिं भयवं ! इह कीरउ मासकप्पं तु ॥१४ खेत्तस्स बहुत्तणओ" बहुयाणं बोहहेउओ तह य ।आयरिएण तह चिय पडिवन्ने सो गओ नयरिं ॥१५ एत्थंतरम्मि जाओ पुत्तो तस्सेवं दिणयरालोओ । कालेण कयं नामं वालस्स वि सूरसेणो त्ति ॥१६ संभालिऊण पियरं बालं पक्खिवई तस्स उच्छंगे । काऊण महीपूयं जिणवरभवणेसु सवेसु ॥१७ जणणी-परियणमेव य संठाविय दुहियभजवग्गं च । मोत्तुं तणं व लच्छि नीसरिओ नयरिदाराओ ॥ १८ गंतूण सूरिपासे गिन्हइ दिक्खं जणाण पञ्चक्खं । बहुएहिँ समं नंदो कुलउत्तय-मित्तवग्गेण ॥१९ दहूण तस्स चरियं बहुयाण वि जिणवरिंदमग्गम्मि । जायं मणपणिहाणं जं पूर्वई पूइओ" लोओ॥१२० आयरिएण समाणं सो चलिओ तम्मि चेव दिवसम्मि । सयणाण मज्झयारे पवजा दुक्खरा जेणं ॥२१ सयणपमोए राओ तदुक्खे जेणं दुक्खसंघाओ । तेण सयणाय दूरे पवजा सुट्टियाँ होइ ॥२२ नाऊण जाणणीयं चारित्तं पालिऊणं सो सुद्धं । संलिहियतणु-कसाओ संपत्तो अचुए कप्पे ॥२३ तत्तो चविऊण तओ निव्वाणं पाविही सुहनिहाणं । नयरे नंदावत्ते नंदो कम्माण विगमेणं ॥२४ सोऊण नंदचरियं जो पालइ पंचमीऍ वयममलं । सो पावइ निव्वाणं अहवा सुरसंपयं विमलं ॥ १२५ इति श्रीमहेश्वराचार्यविरचिते" पञ्चमीमाहात्म्ये नंदाख्यान
द्वितीयं समाप्तम् ॥
1A नेह। 2 Bहोइ। 3C मोअइ। 4 BC एयं । 5 Bअवियारं; C सुवियारं। 6 B इहलोइ । 7 A घि। 8 BC एयं । 9 A जंपद। 10 B जण। 11 AC पास। 12A कलं। 13 B पहुत्त
ओ। 14 BC पडिवनो। 15 B तस्सेह । 16 BC पक्खिविय। 17 BD तहा। 18 B परियर । 19 A °सेक्य। 20 BC बहएण। 21 B मेत्त। 22 ACपरिहाणं। 23A पूइयं । 24 A पूयओ। 25A दियहम्मि। 26A जेणह; Cजेणेह। 27 A सुट्टया; CD सुद्धिया। 28 A जणणीयं । 29 Aपाविऊण। 30 A°मतुलं: D मउलं। 31 BCD विरचितं। 32 BCD it is nob found in these Mss. 33C समाप्तमिति ।