Gyanpanchami Katha

Author(s): Maheshwarsuri, Jinvijay
Publisher: Singhi Jain Shastra Shiksha Pith Mumbai

Page 96

२, ७३ - १०२] नाणपंचमीकहाओ-२. नंदकहा
२३ वडति वड्डमाणे हय-गय-देसा तहेव दविणं च । नंदे लोयाणंदे तह गुणनियरो य तस्सेव ॥ ७३ विहुरिव बुहसंजुत्तो सहइ वि हु नंद तणयपरिकलिओ। वियरंतो पइदियहं सिंघाडय-तिय-चउक्केसु ॥ ७४ सिक्खइ य सिक्खणीयं विणयजुओ गुरुजणाओं गयगयो । वंदइ य वंदणिजे नंदो निचं पि पियवयणो॥७५ अह परिणेइ कमेणं कन्नाणं रूव-जोवणेजुयाणं । बत्तीसं सगुणाणं सो मुइओ अइविभूईए ॥ ७६ ताहि समं अणुदियहं भुंजतो विसयसोक्खमणुकूलं। रइसागरम्मि पडिओ गयं पि कालं न याणेइ॥ ७७ महुसम्मो वि हु काउं धम्मं जिणदेसियं सुहमणेणं । मरिऊणं उववन्नो अट्ठमकप्पम्मि सुरपवरो ॥७८ सो य तहिं दहणं देवविहूई मणोरमं पवरं । चिंतइ विम्हियहियओ कस्स फलं मह इमं जायं? ॥७९ पेच्छइ ओहीऍ तओ सव्वं पि हु पुव्वजम्ममणुभूयं । जिणधम्मस्स फलेणं विहवो विहु मह इमो जाओ॥८० चिंतइ इमं च हियए पिउणो नेहेण मोहिओ सुट्ठ । मरिऊण पुप्फदंतो न य नजइ कत्थ उववन्नो ॥ ८१ दिह्रो कंचीऍ तओ नंदो विसएहिँ सुट्ठ वामूढो । परलोयनिप्पिवासो निचं काम-त्थगयचित्तो ॥ ८२ तप्पडिबोहनिमित्तं सव्वं मोत्तूण कंचिनयरीए । सो सहसा संपत्तो पाहाउयरूवयं काउं॥ ८३ नंदसयणीयनियडे रयणीए मज्झिमम्मि भायम्मि । आलविय महुरझुणिणां एयं तब्बोहयं पढइ ॥ ८४ जहे वोलीणा रयणी तह चेव य आउयं पि वोलेइ । जीवाणं पइदियहं तह वि न धम्मे मइं कुणई। ८५ विसयासत्तो लोओ धम्मं दूरेण वजए सु? । न वि जाणेइ वराओ विसया धम्मेण जायंति ॥ ८६ पुचिलं उवभुंजई विढविज्जइ अन्नयं पि जह दविणं । तह पुवधम्मसोक्खे भुंजते जुज्जए धम्मो ॥ ८७ अबावारो दुक्खं पावइ जह पुत्ववित्तछेयम्मि । तह जीवो वि अहम्मो पुव्वक्कयधम्मभोएणं ॥ ८८ धम्मपसाएण नरो लहिऊणं उत्तमा सोक्खाइं । तं चेव चयइ दूरे जह व खलो कजसिद्धीए ॥ ८९ महुसम्मपिया वि पुरा कुलमयदोसेण पक्कणकुलम्मि । वाणारिसिनयरीए उप्पन्नो" पुप्फदंतो त्ति ॥९० चंपपसंगेण तहिं लहिऊणं जिणमयं सुहावासं । काऊण पंचमिवयं लहिऊणं पुन्नपन्भारं ॥ ९१ तस्स पहावेण इमो नंदो नामेण इह सुहं पत्तो । अच्छइ विसयासत्तो निल्लज्जो धम्मनिरवेक्खो ॥ ९२ वीसरइ जस्स बुद्धी विभवमएणं जणस्स इह लोए । सो होइ अदवो पावो पावाण संजणओ ॥ ९३ जो न सरइ अप्पाणं सो कह संभरउँ अन्नलोयाणं? । इय नाऊणं एयं मा रूसंह विहवभुल्लाणं ॥ ९४ विहवेण जो न भुल्लइ जो न वियारं करेइ तारुन्ने । सो देवाण वि पुज्जो किमंग पुण मणुयलोयस्स १॥ ९५ जइ इच्छसि नंद ! तुमं नंदि आगामियम्मि जम्मम्मि। ता मोत्तूणं विसए जिणधम्मं कुणहँ भावेणं ॥९६ सम्मि सुए कमसो सहसा नंदस्स रंजियमणस्स । उप्पन्नं लहुकम्मत्तणेण जाईऍ सरणं तु ॥ ९७ तक्खणमेत्तेण तओ जाओ भजाणमुवरि निरवेक्खो। जंपइ जोडियहत्थो को सि तुमं कहसु मह एयं ॥९८ अह जंपइ सुरकेली महुसम्मो इंदसम्मपुत्तो हं । वाणारसिनयरीए पडिबुद्धो चंदवयणेणं ॥९९ काऊण सावयत्तं पत्तो हं अट्ठमम्मि कप्पम्मि । तुह नेहनडियहियओ एत्थाहं आगओ सिग्धं ॥१०० दूरमसज्झमकजं दुक्खं हाणी तहेव मरणं च । नेहाबद्धो लोओ मणयं पि न मन्नए हियए ॥१ जुत्ता-ऽजुत्तवियारो कीरइ जत्थेह हिययइट्ठम्मि । नियकज्जरएण फुडं दिन्नो सलिलंजली नेहे ॥१०२
1 B "रिय। 2 A तुह°। 3 B°जुब्बण'। 4 A ताहि। 5 BD विभूई। 6A "मणुहूयं । 7 B कंचिद। 8 A पच्छिमम्मि । 9 B झुणिणो। 10 A तक्खोभयं; B तच्छोभयं । 11C अह । 12 B आउगं। 13 A.C कुणह। 14 A उवभुजइ। 15 B°वुत्त। 16 A °कय। 17 A उत्तिमाई। 18 AD उववन्नो। 19 A पभावेण। 20 A संभरओ। 21A रूसह। 22 BC मेत्तस्स । 23 A Cकुणसु।