________________
પ્રકરણ પહેલું.
ભદ્રબાહુ સ્વામીનું ટુંક જીવન વૃત્તાંત.
પ્રાચીન સમયની આ વાત છે. પ્રભુ મહાવીરસ્વામીના સમય પછીની વાત કહું છું. જે સમયે જૈન શાસનમાં દિવસે દિવસે ઘણું જ પરિવર્તન થવા માંડ્યું, અને તે પરિવર્તન એટલે સુધી થવા લાગ્યું કે શાસનના નામથી ઘણી જ અંધાધુંધી ચાલવા માંડી–વધવા લાગી.
રાજા નંદના વખતમાં સત્યાસત્યની સાબીતી કરવી ભાગ્યે જ જરૂર પડે. આવા સમયમાં પ્રભુ મહાવીર સ્વામીની પાટ પરંપરામાં શ્રી ભદ્રબાહુસ્વામીનું નામ પ્રથમ સ્થાને છે, અને જેન જૈનેત્તરના ઘણુ ગ્રંથમાં તેમના જીવનના દાખલાઓ જડી આવે છે. ભદ્રબાહુસ્વામી બ્રાહ્મણકુળમાં ઉત્પન્ન થયા હતા, તેઓ બે ભાઈ હતા, તેમનું મુખ્ય વતન પ્રતિષ્ઠાનપુર હતું, તેમના બીજા ભાઈનું નામ “વરાહમિહીર” હતું. તેઓનો મુખ્ય ધંધો ભણવાનો હતો. આ બંને ભાઈઓને શ્રી સરસ્વતિ દેવી શાક્ષાત વારસામાં વરી ચૂકી હતી. જેથી બંને ભાઈઓ વિદ્યામાં ઘણા જ પ્રવીણ–ચતૂર હતા. તેથી તેમની જગતમાં પણ જેડ મળવી મુશ્કેલ હતી. તેઓ વિદ્વતામાં અજોડ હતા.
