350 Gathanu Stavan

Author(s): Gunhansvijay
Publisher: Kamal Prakashan Trust

Page 22

Koo
ණ හා
COGOGOGO
કહે કે શું વિહારો શાસ્ત્રાનુસારે થાય છે ? શું વિહારો જરૂરી હોય એટલા જ થાય • છે ? શું વિહા૨ોમાં ઈર્યાસમિતિનું પાલન થાય છે ? શું વિહારોમાં વાતચીત નથી થતી ? શું વિહારોમાં જીવદયાનું સતત પાલન થાય છે ? બધી ઉપધિ જાતે ઉંચકવામાં આવે છે ?
કબુલ છે કે બધા જ સંયમીઓ આવશ્યક ઉપધિ રાખે છે. પણ તું જ કહે કે શું માત્ર આવશ્યક ઉપધિ જ રાખે છે ? કે બિનજરૂરી પણ જાતજાતની વસ્તુઓ રાખે છે ? આવશ્યક ઉપધિમાં પણ શું વિભૂષા પોષાય છે ? કે નહિ ? એ આવશ્યક ઉપધિનો યોગ્ય ઉપયોગ થાય છે ? મુહપત્તી છે, તો બોલતી વખતે મુહપત્તી રખાય છે ? દરેક વસ્તુ લેવા મુકવામાં ઓઘાનો પુંજવા માટે ઉપયોગ થાય છે ?
કબુલ છે કે બધા જ સંયમીઓ પ્રતિક્રમણાદિ ક્રિયાઓ કરે છે. પણ તું જ કહે કે બધી ક્રિયા ઉપયોગપૂર્વક થાય છે ? ઉભા ઉભા થાય છે ? સત્તરસંડાસા પૂર્વક થાય છે ? સૂત્રોચ્ચાર બરાબર થાય છે ? પ્રતિલેખન અજવાળામાં થાય છે ? અજવાળામાં પણ વસ્ત્રાદિ ઉપધિમાં બરાબર દૃષ્ટિ રાખવાપૂર્વક થાય છે ?
કબુલ છે કે બધા જ સંયમીઓ સચિત્તના ત્યાગી છે. પણ તું જ કહે કે શું સચિત્ત વસ્તુઓ પોતાના જ માટે અચિત્ત કરાવાતી નથી ? આધાકર્મી કરાવાતું નથી ?
શિષ્ય !
આચારો ઘણા પળાય છે, એની
ક્યાં ના છે ? પણ શાસ્ત્રવિધિ સાથેના આચારો કેટલા પળાય છે ? એ જ મારો પ્રશ્ન છે ! તો શું શાસ્ત્રવિરુદ્ધ આચારોને શુદ્ધ માર્ગ કહી શકાય ? શું એ મોક્ષ આપશે ?
ઘણું બધું ખાધું, પણ ચાવ્યા વિના ખાધું તો એનાથી શરીર બનશે કે બગડશે ? ઘણું બધું વાચ્યું, પણ ઝોકા સાથે વાંચ્યુ તો એનાથી શાન વધશે કે ઘટશે ? ઘણું બધું ચાલ્યા, પણ ઉપાશ્રયમાં જ ચાલ્યા તો એનાથી પ્રગતિ વધશે કે ઘટશે ?
ઘણું કરવું એ જેટલું મહત્ત્વનું છે, એ કરતાંય વિધિપૂર્વક કરવું એ અતિશય મહત્ત્વનું છે.
જેઓ આ વાસ્તવિકતા ન સમજે અને એટલે જ શાસ્ત્રવિરુદ્ધ આચારો પણ ચલાવી લે, પોતે જાતે પણ એવા જ આચારો પાળે તો એ આચારને શુદ્ધ માર્ગ કેમ કહેવાય ?
૩૫૦ ગાથાનું સ્તવન ૦ (૧૩)
IJRલ્લે)ODRO