350 Gathanu Stavan

Author(s): Gunhansvijay
Publisher: Kamal Prakashan Trust

Page 26

Poo་22
GOOGOGO
વગર કા૨ણે કે નબળા કારણે આ રીતે દોષ સેવવા, વિધિ છોડી દેવી એ બિલકુલ બરાબર નથી. કોઈક તો એમની આંખ ઉઘાડે ને ?
ઉપાધ્યાય : આવું કોઈ કહેવા આવે, તો એની સામે આ લોકો પાસે ઉત્તરો પણ તૈયાર જ હોય. એવા એવા કારણો દર્શાવે, એવું જોરદાર વર્ણન કરે કે શિખામણ દેનારાઓ કદાચ સચ્ચાઈ સમજતા હોય તો ય શાંત થઈ જાય, કહેવાનું છોડી દે. આ શિથિલો નબળા કારણોને કે અકા૨ણોને તગડા કારણો તરીકે દર્શાવવામાં એકદમ પાવરધા બની જાય. વળી, આવું ઘણા કરે એટલે બધાને એકબીજાનો સહકાર મળી રહે. તાકાત વધી જાય.
પણ જેઓ આ રીતે ખોટા આલંબનો દેખાડીને મુગ્ધજીવોને મોક્ષમાર્ગમાંથી ભ્રષ્ટ કરે છે, તેઓ સ્પષ્ટ રીતે જિનાજ્ઞાનો ભંગ કરે છે. આ આજ્ઞાભંગ રૂપ ઘોર પાપ, કલંક એમને લલાટે અંકાઈ જાય છે.
* — * -
શિષ્ય : આપે કીધું એ વાત સાચી. પણ જ્યાં સાવ નબળા આલંબનો હોય કે આલંબન જ ન હોય, ત્યાં તો એને તગડા આલંબન તરીકે તેઓ બતાવી જ ન શકે ને ? એ તો ખુલ્લે આમ જૂઠ તરીકે પકડાઈ જાય.
સંઘમાં ૨૦૦ ઘરો હોય, નજીકમાં હોય, ગોચરી માટે વિનંતિ કરતા હોય, કોઈ માંદગી ન હોય છતાં આધાકર્મી કરાવીને વાપરવું... આ તો સ્પષ્ટપણે શાસ્ત્રવિરુદ્ધ જ છે. આમાં શું આલંબન દેખાડે ?
માત્ર એક બે કિમીનો જ વિહાર હોય અને છતાં પાંચ વાગે સવારે વિહાર કરી દેવો, અંધારામાં જ પહોંચી જવું એ તો સ્પષ્ટપણે શાસ્ત્રવિરુદ્ધ જ છે. આમાં શું આલંબન દેખાડે ?
-
વિહા૨-માંદગી વગેરે ન હોવા છતાં બેઠા બેઠા ક્રિયા કરવી, અશુદ્ધ સૂત્રો બોલવા એ તો સ્પષ્ટપણે શાસ્રવિરુદ્ધ જ છે. આમાં શું આલંબન દેખાડે ?
ટૂંકમાં જે ક્રિયાઓ ઉત્સર્ગથી કે અપવાદથી ખુલ્લેઆમ અવિધિવાળી દેખાય, જેમાં કોઈ બચાવ જ ન હોય, ત્યાં તેઓ શું કરશે ?
ઉપાધ્યાય : આવા વખતે “આવા અવિધિવાળા આચારો પણ ચલાવી લેવાના” એવું સાબિત કરવા માટે તેઓ ખોટા આલંબનો આપે.
આશય એ છે કે
પહેલો પ્રયત્ન તો તેઓ એવો જ કરે કે “આ જે કંઈ દોષ સેવાય છે, તે પુષ્ટ આલંબનોથી સેવાય છે...” એમ પુષ્ટ આલંબનો બતાવીને દોષસેવનને ૩૫૦ ગાથાનું સ્તવન
(૧૭)
ROBOOOOOOO