350 Gathanu Stavan

Author(s): Gunhansvijay
Publisher: Kamal Prakashan Trust

Page 58

999ėOR DODK
ජීහයවහයහ
પણ વિગઈ-વિજાતીયનું સાન્નિધ્ય મેળવવાદિ કારણોસ૨ એવી વસતિમાં રહે તો ચોક્કસ દોષ !
સુરક્ષા વિ. કારણસર કે ઉપધિ ઉંચકી જ ન શકાય એવી પરીસ્થિતિમાં માણસાદિ રાખે તો દોષ નથી. પણ સુખશીલતા - પ્રમાદને લીધે માણસ પાસે ઉપધિ ઉચકાવે તો ચોક્કસ દોષ !
નબળા શરીરને સંયમ પાલન માટે સમર્થ બનાવવા વિગઈઓ વાપરે તો દોષ નથી. પણ જીભની પરવશતાને લીધે વાપરે તો ચોક્કસ દોષ! આવું હજારો બાબતોમાં વિચારી લેવું.
કોઈપણ બાહ્ય-અવિધિ અપવાદ બની શકે છે. શક્તિ - અનિગૃહનાદિના પ્રતાપે !
કોઈપણ બાહ્ય-અવિધિ ઉન્માર્ગ બની શકે છે, શક્તિ - નિગૃહનાદિના પ્રતાપે ! ચોથા આરાવાળાની શક્તિ બધી ઉપધિ ઉચકવાની હોય તો એ મુહપતી પણ જો કોઈને ઉંચકવા આપે તો એને શક્તિનિગ્રહન દોષ લાગે.
પાંચમા આરાવાળો માંદગી વગેરે કારણોસર ક્યારેક માણસ પાસે ઉપધિ ઉંચકાવે, તો એને દ્દોષ નથી.
ચોથા આરાવાળો નિર્દોષની તાકાત હોવા છતાં સ્થાપનાદોષ પણ સેવે, તો દોષપાત્ર!
પાંચમાં આરાવાળો શક્તિ ન હોવાને લીધે રીતસર આધાકર્મી વાપરે, તો પણ નિર્દોષ!
ચોથા આરાવાળો શક્તિ હોય તો પણ આખા પ્રતિક્રમણમાં એકાદ ખમાસમણું પણ સત્તરસંડાસા ન સાચવે તો દોષપાત્ર!
પાંચમાં આરાવાળો માંદગી વગેરેને લીધે આખે આખું પ્રતિક્રમણ સુતા સુતા કરે તો ય નિર્દોષ!
ચોથા આરાવાળો શક્તિ હોવા છતાં સ્થંડિલ સંબંધી ૧૦૨૪ ભાંગામાંથી સૌથી ઓછા દોષવાળો ભાંગો સેવે તો ય દોષપાત્ર!
પાંચમા આરાવાળો વિચિત્ર પરિસ્થિતિઓમાં સૌથી વધુ દોષવાળો ભાંગો સેવે તો પણ નિર્દોષ!
આવું હજારો બાબતોમાં વિચારી લેવું.
શિષ્ય : પણ આ તો મેં કહ્યું એ જ વાત આવી કે પાંચમાં આરામાં કાળપ્રભાવે દોષ ન ગણાય, ઓછો ગણાય.
૩૫૦ ગાથાનું સ્તવન (૪૯)
ගණන
KORO