________________
ORIGOR
ROOROO
SOOOO
પરિણામ પણ વિધિનો જ એક ભાગ સમજવો. દોષનાશની ભાવના, મોક્ષની ઈચ્છા, ક્રિયા પ્રત્યે સદ્ભાવ વગેરે વગેરે અનેક પ્રકારના શુભભાવો હોઈ શકે છે. નાનામાં નાનો શુભભાવ પણ ક્રિયાને ચેતનવંતી બનાવી દે છે.
હવે આ પદાર્થમાં કેટલીક અગત્યની બાબતો દર્શાવવાની છે.
અહીં વિધિના ત્રણ વિભાગ પાડીએ.
(૧) ક્રિયારુચિ - ક્રિયાસદ્ભાવ - માર્ગાનુસારિભાવ વગેરે રૂપ પાયાનો શુભપરિણામ એ પ્રથમવિધિ.
(૨) ક્રિયા સંબંધી ઉપયોગ, સૂત્ર-અર્થ વગેરેમાં ઉપયોગ, અપ્રમત્તતા, એકાગ્રતા એ બીજી વિધિ.
(૩) ઉભા ઉભા ક્રિયા, સત્તરસંડાસા પૂર્વકની ક્રિયા, ગોચરીમાં નીચે જોઈને ચાલવું એ ત્રીજી વિધિ.
ધારો કે આ ત્રણ વિધિ વચ્ચે ટકાવારીની વિચારણા કરીએ, તો પહેલી વિધિના ઓછામાં ઓછા ૬૬% તો ગણવાના જ. બાકીની બે વિધિના ભેગા મળીને ૩૪% ગણવાના. આવું એટલા માટે કે આજે ૩૫% પાસ થવા માટે જોઈએ. હવે એક વાત પાકી છે કે જેની પાસે પ્રથમ વિધિ નથી, એ અભવ્યાદિ જીવો ગમે એટલા અનુષ્ઠાનો સારામાં સારા કરે, તો ય ભેઓ કદી આગળ વધી શકવાના નથી, વધતા નથી,એટલે જો પ્રથમવિધિના ૬૬% રાખીએ, તો એમની પાસે એ બિલકુલ ન હોવાથી એ ૬૬ % તો એમને ન જ મળે. એટલે બાકીના બધા ટકા મેળવે, તો પણ તે ૩૪% જ થાય, ૩૫% નહિ. અર્થાત્ તેઓ નાપાસ જ થાય. એટલે જાડીભાષામાં વસ્તુ સમજાવવા માટે પ્રથમ વિધિના ઓછામાં ઓછા ૬૬% કહ્યા છે.
જો પ્રથમ વિધિ ન હોય અને બાકીની બંને વિધિ પૂરેપૂરી હોય તો અભવ્યાદિજીવો ૩૪% જ મળવાથી નાપાસ જ ગણાય, તેઓ આગલા ધોરણમાં જઈ ન શકે.
જો પ્રથમ વિધિ હોય તો ૬૬% તો આવી જ ગયા એટલે ધારો કે બાકીની બે વિધિ ન હોય, તો ય એ જીવ પાસ તો થઈ જ ગયો, અને એ આગળના ધોરણમાં જાય. જો બાકીની બંને વિધિ પણ હોય તો ૧૦૦% પાસ થયેલો ગણાય. હવે એ બે વિધિઓમાં જેટલી ઓછાશ, એટલા ટકા એમના કપાતા જાય, પણ એ પાસ તો ગણાય જ.
૩૫૦ ગાથાનું સ્તવન ૭ (૧૧૬)
← GROOOOOOO
