________________
प० ३ एगोरुयदीवसरूवं]
सुत्तागमे
१५९
एगूरुयदीवे. असीइ वा मसीइ वा कसीइ वा पणीइ वा वणिज्जाइ वा ? नो इणढे समहे, ववगयअसिमसिकिसिपणियवाणिज्जा णं ते मणुयगणा पण्णत्ता समणाउसो! । अत्थि णं भंते ! एगूरुयदीवे० हिरण्णेइ वा सुवन्नेइ वा कंसेइ वा दूसेइ वा मणीइ वा मुत्तिएइ वा विउलधणकणगरयणमणिमोत्तियसंखसिलप्पवालसंतसारसावएजेइ वा ? हंता अस्थि, णो चेव णं तेसिं मणुयाणं तिव्वे ममत्तभावे समुप्पजइ । अस्थि णं भंते ! एगोरुयदीवे० रायाइ वा जुवरायाइ वा ईसरेइ वा तलबरेइ वा माडंबियाइ वा कोडुंबियाइ वा इन्भाइ वा सेट्ठीइ वा सेणावईइ वा सत्थवाहाइ वा ? णो इणढे समढे, ववगयइड्ढीसकारा णं ते मणुयगणा पण्णत्ता समणाउसो ! । अस्थि णं भंते ! एगूरुयदीवे दीवे दासाइ वा पेसाइ वा सिस्साइ वा भयगाइ वा भाइलगाइ वा कम्मगरपुरिसाइ वा ? नो इणढे समठे, ववगयआभिओगिया णं ते मणुयगणा पण्णत्ता समणाउसो ! । अस्थि णं भंते! एगोरुयदीवे दीवे मायाइ वा पियाइ वा भायाइ वा भइणीइ वा भज्जाइ वा पुत्ताइ वा धूयाइ वा सुण्हाइ वा? हंता अत्थि, नो चेव णं तेसि णं मणुयाणं तिव्वे पेमबंधणे समुप्पजइ, पयणुपेज्जबंधणा णं ते मणुयगणा पण्णत्ता समणाउसो! अत्थि णं भंते ! एगूरुयदीवे दीवेअरीइ वा वेरिएइ वा घायगाइ वा वहगाइ वा पडिणीयाइ वा पच्चामित्ताइ वा ? णो इणढे समढे, ववगयवेराणुबंधा णं ते मणुयगणा पण्णत्ता समणाउसो! । अत्थि णं भंते ! एगोरुयदीवे. मित्ताइ वा वयंसाइ वा घडियाइ वा सहीइ वा सुहियाइ वा महाभागाइ वा संगइयाइ वा ? णो इणढे समटे, ववगयपेम्मा णं ते मणुयगणा पण्णत्ता समणाउसो! । अत्थि णं भंते ! एगोरुयदीवे. आवाहाइ वा वीवाहाइ वा जग्गाइ वा सद्धाइ वा थालिपागाइ वा चोलोवणयणाइ वा सीमंतोवणयणाइ वा पिइ(मय)पिंडनिवेयणाइ वा ? णो इणढे समढे, ववगयआवाहविवाहजण्णसद्धथालिपागचोलोवणयणसीमंतोवणयणपिइपिंडनिवेयणा णं ते मणुयगणा पण्णत्ता समणाउसो!। अत्थि णं भंते ! एगोरुयदीवे दीवे इंदमहाइ वा खंदमहाइ वा रुद्दमहाइ वा सिवमहाइ वा वेसमणमहाइ वा मुगुंदमहाइ वा णागमहाइ वा जक्खमहाइ वा भूयमहाइ वा कूवमहाइ वा तलायणइमहाइ वा दहमहाइ वा पव्वयमहाइ वा रुक्खरोवणमहाइ वा? णो इणढे समढे, ववगयमहमहिमा णं ते मणुयगणा पण्णत्ता समणाउसो! । अत्थि णं भंते ! एगोरुयदीवे दीवे णडपेच्छाइ वा णट्टपेच्छाइ वा मल्लपेच्छाइ वा मुट्ठियपेच्छाइ वा विडंबगपेच्छाइ वा कहगपेच्छाइ वा पवगपेच्छाइ वा अक्खायगपेच्छाइ वा लासगपेच्छाइ वा लंखपे० मंखपे० तूणइलपे० तुंबवीणपे० कीवपे० मागहपे० जल्लपे०? णो इणढे समढे, ववगयकोउहल्ला णं ते मणुयगणा पण्णत्ता समणाउसो!। अत्थि णं भंते ! एगूरुयदीवे दीवे सगडाइ वा रहाइ
