________________
प० १६ चउपुरिसपविभत्तगई ] सुत्तागमे
४३३
अफुसमा गई २, उवसंपज्जमांणगई ३, अणुवसंपज्ज माणगई ४, पोग्गलाई
मंडूयाई ६, णावागई ७, नयगई ८, छायागई ९, छायाणुवायगई १०, लेसागई ११, लेसाणुवायगई १२, उद्दिस्सपविभत्तगई १३, चउपुरिसपविभत्तगई १४, वंकगई १५, पंकगई १६, बंधणविमोयणगई १७ ॥ ४७३ ॥ से किं तं फुसमाणगई ? फुसमाणगई जण्णं परमाणुपोग्गले (लं) दुपए सिय जाव अणं तपएसियाणं खंधाणं अण्णमण्णं फुसित्ता णं गई पवत्तइ, सेत्तं फुसमाणगई १ । से किं तं अफुसमाणगई ? अफुसमाणगई जण्णं एएसिं चेव अफुसित्ता णं गई पवत्त, सेतं अफुसमाणगई २ । से किं तं उवसंपजमाणगई ? २ जण्णं रायं वा जुवरायं वा ईसरं वा तलवरं वा माडंबियं वा कोडुंबियं वा इब्भं वा सेडिं वा सेवई वा सत्थवाहं वा उवसंपज्जित्ता गच्छइ, से तं उवसंपज्जमा गई ३ । से किं तं अणुवसंपज्जमाणगई ? २ जण्णं एएसिं चेव अण्णमण्णं अणुवसंपज्जित्ता गं गच्छइ, से तं अणुवसंपज्जमाणगई ४ । से किं तं पोग्गलगई ? २ जं णं परमाणुपोग्गलाणं जाव अणंतपएसियाणं खंधाणं गई पवत्तइ, से तं पोग्गलाई ५ । से किं तं मंडू गई ? २. जण्णं मंडूओ फिडित्ता गच्छइ, से तं मंड्यगई ६ । से किं तं णावागई ? जणं णावा पुव्ववेयालीओ दाहिणवेयालिं जलपहेणं गच्छइ, दाहिणवेयालीओ वा अवरवेयालिं जलपहेणं गच्छइ, से तं णावागई ७ । से किं तं णयगई ? २ जणं धोगमसंगहववहारउज्जुसुयसद्द समभिरूढएवंभूयाणं नयाणं जा गई, अहवा सव्वणया वि जं इच्छंति, से तं नयगई ८ । से किं तं छायागई ? २ जं णं हयछायं वा गयछायं वानरछायं वा किण्णरछायं वा महोरगच्छायं वा गंधव्वच्छायं वा उसहछायं वा रहछायं वा छत्तछायं वा उवसंपज्जित्ताणं गच्छा, से तं छायागई ९ । से किं तं -छायावायगई ? २ जेणं पुरिसं छाया अणुगच्छर, नो पुरिसे छायं अणुगच्छइ, से तं छायाणुवायगई १० । से किं तं लेस्सागई ? २ जण्णं किण्हलेसा नीललेसं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो भुज्जो परिणमइ, एवं नीललेसा काउलेसं पप्प तारूवत्ताए जाव ताफासत्ताए परिणमइ, एवं काउले - सा वि तेउलेसं तेउलेसा वि पम्हलेसं पम्हलेसा वि सुकलेसं पप्प तारूवत्ताए जाव परिणमइ, से तं लेस्सागई ११ । से किं तं लेसाणुवायगई ? २ जलेसाई दव्वाई परियाइत्ता कालं करेइ तल्लेसेसु उववज्जइ, तंजहा - किण्हलेसेसु वा जाव सुकलेसेसु वा, से तं लेसाणुवायगई १२ । से किं तं उद्दिस्सपविभत्तगई ? २ जण्णं आयरियं वा उवज्झायं वा थेरं वा पवत्तिं वा गणिं वा गणहरं वा गणावच्छेयं वा उद्दिसिय २ गच्छइ, से तं उद्दिस्सिय पविभत्तगई १३ । से किं तं चउपुरिसपविभत्तगई ? से
२८ सुत्ता०
