________________
उ० २ सागारियपिंड०]
सुत्तागमे
एगरायाओ वा दुरायाओ वा वत्थए, जे तत्थ एगरायाओ वा दुरायाओ वा परं वसेज्जा, से सन्तरा छेए वा परिहारे वा ॥ ५३ ॥ उवस्सयस्स अन्तो वगडाए सव्वरा(ई)इए जोई झियाएज्जा, नो कप्पइ निग्गन्थाण वा निग्गन्थीण वा अहालन्दमवि वत्थए, हुरत्था य उवस्सयं पडिलेहमाणे नो लभेजा, एवं से कप्पइ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थए, जे तत्थ एगरायाओ वा दुरायाओ वा परं वसेजा, से सन्तरा छेए वा परिहारे वा ॥ ५४ ॥ उवस्सयस्स अन्तो वगडाए सव्वराइए पईये दिप्पेजा, नो कप्पइ निग्गन्थाण वा निग्गन्थीण वा अहालन्दमवि वत्थए, हुरत्था य उवस्सयं पडिलेहमाणे नो लभेजा, एवं से कप्पइ एगरायं वा दुरायं वा वत्थए, नो से कप्पइ परं एगरायाओ वा दुरायाओ वा वत्थए, जे तत्थ एगरायाओ वा दुरायाओ वा परं वसेज्जा, से सन्तरा छेए वा परिहारे वा ॥ ५५॥ उवस्सयस्स अन्तो वगडाए पिण्डए वा लोयए वा खी(रे)रं वा दहिं वा सप्पिं वा नवणीए वा तेल्ले वा फाणि(ए)यं वा पूर्व वा सक्कली वा सिहरिणी वा ओखिण्णाणि वा विक्खिण्णाणि वा विइगिण्णाणि वा विप्पइण्णाणि वा, नो कप्पइ निग्गन्थाण वा निग्गन्थीण वा अहालन्दमवि वत्थए ॥ ५६ ॥ अह पुण एवं जाणेजा-नो ओखिण्णाई ४, रासिकडाणि वा पुञ्जकडाणि वा भित्तिकडाणि वा कुलियकडाणि वा लञ्छियाणि वा मुद्दिया णि वा पिहियाणि वा, कप्पइ निग्गन्थाण वा निग्गन्थीण वा हेमन्तगिम्हासु वत्थए ॥५७ ॥ अह पुण एवं जाणेजा-नो रासिकडाइं ४, कोहाउत्ताणि वा पल्लाउत्ताणि वा मञ्चाउत्ताणि वा मालाउत्ताणि वा कुम्भिउत्ताणि वा करभिउत्ताणि वा ओलित्ता णि वा विलित्ताणि वा लञ्छियाणि वा मुद्दियाणि वा पिहियाणि वा, कप्पइ निग्गन्थाण वा निग्गन्थीण वा वासावासं वत्थए ॥ ५८ ॥ नो कप्पइ निग्गन्धीणं अहे आगमणगिहंसि वा वियडगिहंसि वा वंसीमूलंसि वा रुक्खमूलंसि वा अब्भावगासियंसि वा वत्थए ॥ ५९॥ कप्पइ निग्गन्थाणं अहे आगमणगिहंसि वा वंसीमूलंसि वा रुक्खमूलंसि वा अन्भावगासियंसि वा वत्थए ॥ ६० ॥ एगे सागारिए पारिहारिए, दो(नि) तिण्णि चत्तारि पञ्च सागारिया पारिहारिया; एगं तत्थ कप्पागं ठवइत्ता अवसेसे निव्विसेजा ॥६१॥ नो कप्पइ निग्गन्थाण वा निग्गन्थीण वा सागारियपिण्डं बहिया अनीहडं (असंसटुं वा) संसटुं-पडिग्गाहेत्तए ॥ ६२ ॥ नो कप्पद निग्गन्थाण वा निग्गन्धीण वा सागारियपिण्डं बहिया अनीहडं असंसर्से पडिग्गाहेत्तए ॥ ६३ ॥ नो कप्पइ निग्गन्थाण वा निग्गन्थीण वा सागारियपिण्डं बहिया नीहडं असंसट्ठ पडिग्गाहेत्तए ॥ ६४ ॥ कप्पइ निग्गन्थाण वा निग्गन्थीण वा सागारियपिण्डं बहिया नीहडं संसर्ट
