Book Title: Suttagame 02
Author(s): Fulchand Maharaj
Publisher: Sutragam Prakashan Samiti
View full book text
________________
सुत्तागमे
२२ २३
[अणुओगदारसुत्तं पावमणो । सयणे य जणे य समो, समो य माणावमाणेसु ॥ ६ ॥ से तं नोआगमओ भावसामाइए । से तं भावसामाइए। से तं सामाइए । से तं नामनिप्फण्णे । से किं तं सुत्तालावगनिप्फण्णे ? इयाणि सुत्तालावयनिप्फण्णं निक्खेवं इच्छावेइ, से य पत्तलक्खणे वि ण णिक्खिप्पइ । कम्हा ? लाघवत्थं । अत्थि इओ तइए अणुओगदारे अणुगमे त्ति । तत्थ णिक्खत्ते इहं णिक्खित्ते भवइ । इहं वा णिक्खित्ते तत्थ णिक्खित्ते भवइ । तम्हा इहंण णिक्खिप्पइ, तहिं चेव णिक्खिप्पइ। सेतं णिक्खेवे॥ १५१ ॥ से किं तं अणुगमे ? अणुगमे दुविहे पण्णत्ते। तंजहा-सुत्ताणुगमे य १.निजुत्तिअणुगमे य २ । से किं तं निज्जुत्तिअणुगमे ? निजुत्तिअणुगमे तिविहे पण्णत्ते । तंजहा-निक्खेवनिजुत्तिअणुगमे १ उवग्घायनिजुत्तिअणुगमे २ सुत्तप्फासियनिजुत्तिअणुगमे ३ । से किं तं निक्खेवनिजुत्तिअणुगमे ? निक्खेवनिजत्तिअणुगमे अणुगए । से तं निक्खेवनिजुत्तिअणुगमे । से किं तं उवग्घायनिजुत्तिअणुगमे ? २ इमाहिं दोहिं मूलगाहाहिं अणुगंतब्बो, तंजहा-गाहाओ-उद्देसे निर्देसे य, निग्गमे खेत्त काल पुरिस य । कारण पञ्चय लक्खण, नए समोयारणाणुमए ॥ १ ॥ किं कहविहं कस्स कहिँ, केतु कह किच्चिरं हवइ कालं । कई संतर-मविरहिय, भवागरिस फासण निरुत्ती ॥ २ ॥ सेत्तं उवग्यायनिजुत्तिअणुगमे । से किं तं सुत्तप्फासियनिज्जुत्तिअणुगमे ? मुत्तप्फासियनिजुत्तिअणुगमे-सुत्तं उच्चारेयव्यं-अक्खलियं, अमिलियं, अवच्चामेलियं, पडिपुण्णं, पडिपुण्णघोसं, कंठोट्ठविप्पमुक्कं, गुरुवायणोवगयं । तओ तत्थ णज्जिहिइ ससमयपयं वा परसमयपयं वा, बंधपयं वा मोक्खपयं वा, सामाइयपयं वा नोसामाइयपयं वा । तओ तम्मि उच्चारिए समाणे केसिं च णं भगवंताणं केइ अत्थाहिगारा अहिगया भवंति, केइ अत्थाहिगारा अणहिगया भवंति । तओ तेसिं अणहिगयाणं अहिगमणढाए पयं पएणं वण्णइस्सामि-गाहा-संहिया य पयं चेव, पयत्थो पयविग्गहो । चालणा य पसिद्धी य, छव्विहं विद्धि लक्खणं ॥ १ ॥ से तं सुत्तप्फासियनिजुत्तिअणुगमे । से तं निजुत्तिअणुगमे । से तं अणुगमे॥ १५२ ॥ से किं तं नए ? सत्त मूलणया पण्णत्ता। तंजहा-णेगमे १ संगहे २ ववहारे ३ उजुसुए ४ सद्दे ५ समभिरूढे ६ एवंभूए ७ । तत्थ गाहाओ-णेगेहिं माणेहिं, मिणइत्ति णेगमस्स य निरुत्ती । सेसाणं पि नयाणं, लक्खणमिणमो सुणह वोच्छं ॥ १ ॥ संगहियपिंडियत्थं, संगहवयणं समासओ बिंति । वच्चइ विणिच्छियत्थं, ववहारो सव्वदन्वेसु ॥ २॥ पञ्चुप्पन्नग्गाही, ‘उज्जुसुओ णयविही मुणेयव्वो । इच्छइ विसेसियतरं, पञ्चुप्पण्णं णओ सद्दो ॥ ३ ॥ 'वत्थूओ संकमणं, होइ अवत्थू नए समभिरूढे । वंजणअत्थतदुभयं, एवंभूओ विसेसेइ ॥ ४ ॥णायम्मि गिहियव्वे, अगिव्हियव्वम्मि चेव अत्थम्मि । जइयव्वमेव इइ
Page Navigation
1 ... 1235 1236 1237 1238 1239 1240 1241 1242 1243 1244 1245 1246 1247 1248 1249 1250 1251 1252 1253 1254 1255 1256 1257 1258 1259 1260 1261 1262 1263 1264 1265 1266 1267 1268 1269 1270 1271 1272 1273 1274 1275 1276 1277 1278 1279 1280 1281 1282 1283 1284 1285 1286 1287 1288 1289 1290 1291 1292 1293 1294 1295 1296 1297 1298 1299 1300