Suttagame 02

Author(s): Fulchand Maharaj
Publisher: Sutragam Prakashan Samiti

Page 1277

३०
पढम परिसिटुं
[कप्पसुत्तं
यस्स णं अरहओ जाव सव्वदुक्खप्पहीणस्स इक्कारस वाससयसहस्साई चउरासीई च वाससहस्साई नव वाससयाई विइक्वंताई, दसमस्स य वाससयस्स अयं असीइमे संवच्छरे काले गच्छद् ॥ १८६ ॥ २० ॥ मल्लिस्स णं अरहओ जाव सव्वदुक्खप्पहीणस्स पण्णढिं वाससयसहस्साइं चउरासीइं च वाससहस्साई नव वाससयाई विइकंताई, दसमस्स य वाससयस्स अयं असीइमे संवच्छरे काले गच्छद ॥ १८७ ॥ १९ ॥ अरस्स णं अरहओ जाव सव्वदुक्खप्पहीणस्स एगे वासकोडिसहस्से विइक्कते, सेसं जहा मल्लिस्स, तं च एयं-पंचसहि लक्खा चउरासी(ई) (वास)सहस्सा(इं) विइक्कंता(इं), तम्मि समए महावीरो निव्वुओ, तओ परं नव वाससया(इं) विइकंता(इं), दसमस्स य वाससयस्स अयं असीइमे संवच्छरे काले गच्छइ । एवं अग्गओ जाव सेयंसो ताव दट्ठव्वं ॥ १८८ ॥ १८॥ कुंथुस्स णं अरहओ जाव सव्वदुक्खप्पहीणस्स एगे चउभागपलिओवमे विइयंते पंचसद्धिं च सयसहस्सा, सेसं जहा मल्लिस्स ॥ १८९ ॥ १७ ॥ संतिस्स णं अरहओ जाव' सव्वदुक्खप्पहीणस्स एगे चउभागूणे पलिओवमे विइक्कते पण्णढिं च, सेसं जहा मल्लिस्स ॥ १९० ॥ १६ ॥ धम्मस्स णं अरहओ जाव सव्वदुक्खप्पहीणस्स तिण्णि सागरोवमाइं पण्णढिं च, सेसं जहा मल्लिस्स ॥ १९१ ॥ १५ ॥ अणंतस्स णं अरहओ जाव सव्वदुक्खप्पहीणस्स सत्त सागरोवमाइं पण्णढिं च, सेसं जहा मल्लिस्स ॥ १९२ ॥ १४ ॥ विमलस्स णं अरहओ जाव सव्वदुक्खप्पहीणस्स सोलस सागरोवमाई विइक्वंताइं पण्णहिँ च, सेसं जहा मल्लिस्स ॥ १९३ ॥ १३ ॥ वासुपुजस्स णं अरहओ जाव सव्वदुक्खप्पहीणस्स छायालीसं सागरोवमाइं विइकंताइं पण्णहिँ च, सेसं जहा मल्लिस्स ॥ १९४ ॥ १२ ॥ सिजंसस्स णं अरहओ जाव सव्वदुक्खप्पहीणस्स एगे सागरोवमसए विइकते पण्णहिँ च, सेसं जहा मल्लिस्स ॥ १९५ ॥ ११ ॥ सीयलस्स णं अरहओ जाव सव्वदुक्खप्पहीणस्स एगा सागरोवमकोडी तिवासअद्धनवमासाहियबायालीसवाससहस्सेहिं ऊणिया विइकता, एयमि समए महावीरो निव्वुओ, तओ (वि य णं) परं नव वाससयाई विनंताई, दसमस्स य वाससयस्स अयं असीइमे संवच्छरे काले गच्छइ ॥ १९६ ॥ १० ॥ सुविहिस्स णं अरहओ पुप्फदंतस्स जाव सव्वदुक्खप्पहीणस्स दस सागरोवमकोडीओ विइकंताओ, सेसं जहा सीयलस्स, तं च इमं-तिवासअद्धनवमासाहियवायालीसवाससहस्सेहिं ऊणिया(इं) विइक्वंता(इं) इच्चाइ(यं) ॥ १९७ ॥ ९ ॥ चंदप्पहस्स णं अरहओ जाव पहीणस्स एगं सागरोवमकोडिसयं विइकतं, सेसं जहा सीयलस्स, तं च इमं-तिवासअद्धनवमासाहियबायालीसवाससहस्सेहिं ऊणगमिचाइ ॥ १९८ ॥ ८ ॥