________________
उ० १६ चाउम्मासियमुग्घाइयं ] सुत्तागमे
४ देइ देतं वा साइज्जइ ॥ ९८० ॥ जे भिक्खू कुसीलस्स असणं वा ४ पडिच्छइ पच्छिंतं वा साइजइ ॥ ९८१ ॥ जे भिक्खू णितियस्स असणं वा ४ देइ देतं वा साइजइ ॥ ९८२ ॥ जे भिक्खू णितियस्स असणं वा ४ पडिच्छइ पडिच्छंतं वा साइजइ ॥ ९८३ ॥ जे भिक्खू संसत्तस्स असणं वा ४ देइ देतं वा साइज्जइ ॥ ९८४ ॥ जे भिक्खू संसत्तस्स असणं वा ४ पडिच्छर पडिच्छंतं वा साइजइ ॥ ९८५ ॥ जे भिक्खू अण्णउत्थियस्स वा गारत्थियस्स वा वत्थं वा पडिग्गहं वा कंवलं वा पायपुंछणं वा देइ देतं वा साइज्जइ ॥ ९८६ ॥ जे भिक्खू पासथस्स वत्थं वा ४ देइ देतं वा साइज्जइ ॥ ९८७ ॥ जे भिक्खू पासत्थस्स वत्थं वा ४ पडिच्छइ पडिच्छंतं वा साइज्जइ ॥ ९८८ ॥ जे भिक्खू ओसण्णस्स वत्थं वा ४ देइ
९०५.
तं वा साइज ॥ ९८९ ॥ जे भिक्खू ओसण्णस्स वत्थं वा ४ पडिच्छइ पडिच्छंतं वा साइज ॥ ९९० ॥ जे भिक्खू कुसीलस्स वत्थं वा ४ देइ देतं वा साइज्जइ ॥ ९९१ ॥ जे भिक्खू कुसीलस्स वत्थं वा ४ पडिच्छइ पडिच्छंतं वा साइज्जइ ॥ ९९२ ॥ जे भिक्खू नितियस्स वत्थं वा ४ देइ देतं वा साइज्जइ ॥ ९९३ ॥ जे भिक्खू नितियस्स वत्थं वा ४ पडिच्छइ पडिच्छंतं वा साइज्जइ ॥ ९९४ ॥ जे भिक्खू संसत्तस्स वत्थं वा ४ देइ देतं वा साइज्जइ ॥ ९९५ ॥ जे भिक्खू संसत्तस्स वत्थं वा ४ पडिच्छ पडिच्छंतं वा साइज्जइ ॥ ९९६ ॥ जे भिक्खू जायणवत्थं वा निमंतणावत्थं वा अजाणिय अपुच्छिय अगवेसिय पडिग्गाहेइ पडिग्गार्हतं वा साइज्जइ से यवत्थे चरण्हं अण्णयरे सिया, तंजहा - णिच्चणियंसणिए म [ज्झण्हि ] ज्जणिए छणूसविए
यदुवारि ॥ ९९७ ॥ जे भिक्खू विभूसापडियाए अप्पणो पाए आमजेज वा पमज्जेज वा आमजंतं वा पमज्जंतं वा साइज्जइ ॥ ९९८ ॥ एवं जाव सीस दुवारियं करेइ करेंतं वा साइज्जइ ॥ १०५१ ॥ जे भिक्खू विभूसापडिया वत्थं वा ४ अणयरं वा उवगरणजायं धरेइ धरेंतं वा साइज्जइ ॥ १०५२ ॥ जे भिक्खू विभूसापडिया वत्थं वा ४ अण्णयरं वा उवगरणजायं धोवेइ धोवेंतं वा साइज्जइ । तं सेवमाणे आवज्जइ चाउम्मासियं परिहारट्ठाणं उग्धाइयं ॥ १०५३ ॥ णिसीहऽज्झयणे पण्णरसमो उद्देसो समत्तो ॥ १५ ॥
सोलसमो उसो
जे भिक्खू सागारियसेज्जं अणुपविसइ अणुपविसंतं वा साइज्जइ ॥ १०५४ ॥ जे भिक्खु, स (सी) उदगं सेज्जं उवागच्छइ उवागच्छंतं वा साइज्जइ ॥ १०५५ ॥ जे भिक्खू सअगणिसेज्जं अणुपविसइ अणुपविसंतं वा साइज्जइ ॥ १०५६ ॥ जे भिक्खू, सचित्तं उच्छु भुंजइ भुंजंतं वा साइज्जइ ॥ १०५७ ॥ जे भिक्खु सचित्तं
