Book Title: Suttagame 02
Author(s): Fulchand Maharaj
Publisher: Sutragam Prakashan Samiti
View full book text
________________
११२५
णेरइयसरीरोगाहणाभेया] सुत्तागमे सुहुमे य १ ववहारिए य २ । तत्थ णं जे से सुहमे से ठप्पे । तत्थ णं जे से ववहारिए से णं अणंताणताणं सुहुमपोग्गलाणं समुदयसमिइसमागमेणं ववहारिए परमाणुपोग्गले निप्फजइ । से णं भंते ! असिधारं वा खुरधारं वा ओगाहेजा ? हंता ! ओगाहेजा। से णं तत्थ छिज्जेज वा भिज्जेज वा ? नो इणढे समढे, नो खलु तत्थ सत्थं कमइ । से णं भंते ! अगणिकायस्स मज्झंमज्झेणं वीइवएजा? हंता ! वीइवएजा । से णं भंत ! तत्थ डहेज्जा ? नो इणढे समढे, नो खलु तत्थ सत्थं कमइ । से णं भंते ! पुक्खरसंवट्टगस्स महामेहस्स मज्झमज्झेणं वीइवएज्जा ? हंता ! वीइवएज्जा । से णं तत्थ उदउल्ले सिया ? नो इणढे समढे, नो खलु तत्थ सत्थं कमइ । से णं भंते ! गंगाए महाणईए पडिसोयं हव्वमागच्छेज्जा ? हंता ! हव्वमागच्छेजा । सेणं तत्थ विणिघायमावजेज्जा ? नो इणढे समढे, नो खलु तत्थ सत्थं कमइ । से णं भंते ! उदगावत्तं वा उदगबिंदुं वा ओगाहेजा ? हंता ! ओगाहेजा । से णं तत्थ कुच्छेज्जा वा परियावजेज वा ? नो इणढे समढे, नो खलु तत्थ सत्थं कमइ ।गाहा-सत्थेण सुतिक्खेण वि, छित्तुं भेत्तुं च जं न किर सका। तं परमाणु सिद्धा, वयंति आई पमाणाणं ॥१॥ अणंताणं ववहारियपरमाणुपोग्गलाणं समुदयसमिइसमागमेणं-सा एगा उसण्हसण्हियाइ वा, सण्हसण्हियाइ वा, उड्ढरेणूइ वा, तसरेणूइ वा, रहरेणूइ वा । अट्ठ उसण्हसहियाओ-सा एगा सहसण्हिया, अट्ठ सहसण्हियाओ-सा एगा उहरेणू, अट्ट उद्दुरेणुओ-सा एगा तसरेणू , अट्ट तसरेणूओ-सा एगा रहरेणू , अट्ठ रहरेणूओ= देवकुरुउत्तरकुरुणं मणुयाणं से एगे वालग्गे, अट्ट देवकुरुउत्तरकुरूणं मणुयाणं वालग्गा हरिवासरम्मगवासाणं मणुयाणं से एगे वालग्गे, अट्ट हरिवासरम्मगवासाणं मणुस्माणं वालग्गा हेमवयहेरण्णवयाणं मणुस्साणं से एगे वालग्गे, अट्ट हेमवयहेरण्णवयाणं मणुस्साणं वालग्गा=पुविदेहअवरविदेहाणं मणुस्साणं से एगे बालग्गे, अट्ट पुव्वविदहअवरविदेहाणं मणुस्साणं वालग्गा भरहएरवयाणं मणुस्साणं से एगे बालग्गे, अट्ट भरहेरवयाणं मणुस्साणं वालग्गा-सा एगा लिक्खा, अट्ठ लिक्खाओ= मा एगा या, अट्ठ जयाओ से एगे जवमज्झे, अट्ट जवमज्झे से एगे अंगुले । एएणं अंगुलाण पमाणेणं छ अंगुलाई-पाओ, बारस अंगुलाई-विहत्थी, चउवीसं अंगुलाई-रयणी, अडयालीसं अंगुलाई-कुन्छी, छन्नबइ अंगुलाई-से एगे दंडेइ वा, धण वा, जुगेइ वा, नालियाइ वा, अक्वेइ बा, मुसलेइ वा । एएणं धणुप्पमाणेणं दो घणुमहस्साई गाउयं, चत्तारि गाउयाई-जोयणं । एएणं उस्सेहंगुलेणं किं पओयण ? एएणं उस्सेहंगुलेणं णेरइयतिरिक्वजोणियमणुस्सदेवाणं सरीरोगाहणा मविजइ । रइयाणं भंते ! केमहालिया सरीरोगाहणा पण्णत्ता ? गोयमा ! दुविहा
Page Navigation
1 ... 1198 1199 1200 1201 1202 1203 1204 1205 1206 1207 1208 1209 1210 1211 1212 1213 1214 1215 1216 1217 1218 1219 1220 1221 1222 1223 1224 1225 1226 1227 1228 1229 1230 1231 1232 1233 1234 1235 1236 1237 1238 1239 1240 1241 1242 1243 1244 1245 1246 1247 1248 1249 1250 1251 1252 1253 1254 1255 1256 1257 1258 1259 1260 1261 1262 1263 1264 1265 1266 1267 1268 1269 1270 1271 1272 1273 1274 1275 1276 1277 1278 1279 1280 1281 1282 1283 1284 1285 1286 1287 1288 1289 1290 1291 1292 1293 1294 1295 1296 1297 1298 1299 1300