________________
८९३
उ० १२ चाउम्मासिय-मुग्धाइयं ] सुत्तागमे
वा साइज्जइ ॥ ७६१ ॥ जे भिक्खू उज्जूहिय[हा] ठाणाणि वा हयजूहियठाणाणि वा गयजूहियठाणाणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७६२ ॥ जे भिक्खू अ ( भिसे) ग्वायठाणाणि वा अक्खाइयठाणाणि वा माणुम्माणियठाणाणि वा महया हयण गीयवाइयतंतीतलतालतु डियपड्डप्पवाइयठाणाणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७६३ ॥ जे भिक्खू कटुकम्माणि वा चित्तकम्माणि वा ( लेवकम्माणि वा ) पोत्थकम्माणि वा दंतकम्माणि वा मणिकम्माणि वा सेलकम्माणि वा गंठिमाणि वा वेढिमाणि वा पूरिमाणि वा संघाइमाणि वा पत्तच्छेज्जाणि वा वाहीणि वा वेहिमाणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७६४ ॥ जे भिक्खू डिम्बाणि वा डमराणि वा खाराणि वा वेराणि वा महाजुद्धाणि वा महासंगामाणि वा कलहाणि वा बोलाणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७६५ ॥ जे भिक्खू विरूवरूवेसु महुस्सवेसु इत्थीणि वा पुरिसाणि वा थेराणि वा मज्झिमाणि वा डहराणि वा अणलंकियाणि वा सुअलंकि - याणि वा. गायंताणि वा वार्यताणि वा णचंताणि वा हसंताणि वा रमंताणि वा मोहंताणि वा विउलं असणं वा ४ परिभायंताणि वा परिभुंजंताणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७६६ ॥ जे भिक्खू इहलोइएस चारुवेसु परलोइएस वा रूवेसु दिट्ठेसु वा रूवेसु अदिट्ठेसु वा रूवेसु सुसु वा रूवेसु असुसु वा रूवे विणासु वा रूवेसु अविण्णाएसु वा रूवेसु सज्जइ रज्जइ गिज्झइ अज्झोववज्जइ सज्जंतं रज्जंतं गिज्झतं अज्झोववज (जमाणं ) जंतं वा साइज्जइ ॥ ७६७ ॥ जे भिक्खू पढमाए पोरिसीए असणं वा ४ पडिग्गाहेत्ता पच्छिमं पोरिसिं उवाइणावेइ उवाइणावेंतं वा साइजइ ॥ ७६८ ॥ जे भिक्खू परं अद्धजोयणमेराओ असणं वा ४ उवाइणावेइ उवाइणावेंतं वा साइज्जइ ॥ ७६९ ॥ जे भिक्खू दिया गोमयं पडिग्गात्ता दिया कार्यसि वणं आलिंपेज्ज वा विलिंपेज्ज वा आलिंपतं वा विलिंपतं वा साइज्जइ ॥ ७७० ॥ जे भिक्खू दिया गोमयं पडिग्गाहेत्ता रतिं कार्यंसि वणं आलिंपेज्ज वा विलिंपेज्ज वा आलिंपतं वा विलिंपतं वा साइज्जइ ॥ ७७१ ॥ जे भिक्खू रतिं गोमयं पडिग्गाहेत्ता दिया कार्यंसि वणं आलिंपेज वा विलिंपेज वा आलिंपतं वा विलिंपतं वा साइज्जइ ॥ ७७२ ॥ जे भिक्खू रत्तिं गोमयं पडिग्गाहेत्ता रतिं कार्यंसि वणं आलिंपेज वा विलिंपेज वा आलिंपतं वा विलिंपतं वा साइजइ ॥ ७७३ ॥ जे भिक्खू दिया आलेवणजायं पडिग्गाहेत्ता दिया कार्यसि वर्ण आलिंपेज वा विलिंपेज वा आलिंपतं वा विलिंपतं वा साइजइ ॥ ७७४ ॥
