________________
८९२
सुत्तागमे
[णिसीहसुत्तं
साइजइ ॥ ७४७ ॥ जे भिक्खू गिहिवत्थं परिहेइ परिहेंतं वा साइजइ ॥ ७४८ ॥ जे भिक्खू गिहिणिसेजं वाहेइ वाहेंतं वा साइजइ ॥ ७४९ ॥ जे भिक्खू गिहितेइच्छं करेइ करेंतं वा साइज्जइ ॥ ७५० ॥ जे भिक्खू पुराकम्मकडेण हत्थेण वा मत्तेण वा द[व्वि]व्वीएण वा भायणेण वा असणं वा ४ पडिग्गाहेइ पडिग्गाहेंतं वा साइज्जइ ॥ ७५१॥ जे भिक्खू गिहत्थाण वा अण्ण(उ)तित्थियाण वा सीओदगपरिभोगेण हत्थेण वा मत्तेण वा दव्वीएण वा भायणेण वा असणं वा ४ पडिग्गाहेइ पडिग्गाहेंतं वा साइजइ ॥ ७५२ ॥ जे भिक्खू वप्पाणि वा फलिहाणि वा उप्पलाणि वा पल्ललाणि वा उज्झराणि वा णिज्झराणि वा वावीणि वा पोक्खराणि वा दीहियाणि वा सराणि वा सरपंतियाणि वा सरसरपंतियाणि वा चक्खुदंसणपडियाए अभिसंधारेइ अभिसंधारेतं वा साइजइ ॥ ७५३ ॥ जे भिक्खू कच्छाणि वा गहणाणि वा णूमाणि वा वणाणि वा वणविदुग्गाणि वा पव्वयाणि वा पव्वयविदुग्गाणि वा चक्खुदंसणपडियाए अभिसंधारेइ अभिसंधारेतं वा साइज्जइ ॥ ७५४ ॥ जे भिक्खू गामाणि वा णगराणि वा खेडाणि वा कब्बडाणि वा मडंबाणि वा दोणमुहाणि वा पट्टणाणि वा आगराणि वा संवाहाणि वा सण्णिवेसाणि वा चक्खु[६]दसणपडियाए अभिसंधारेइ अभिसंधारेतं वा साइज्जइ ॥ ७५५ ॥ जे भिक्खू गाममहाणि वा णगरमहाणि वा खेडमहाणि वा कब्बडमहाणि वा मडंबमहाणि वा दोणमुहमहाणि वा पट्टणमहाणि वा आगरमहाणि वा संवाहमहाणि वा सण्णिवेसमहाणि वा चक्खुदसणपडियाए अभिसंधारेइ अभिसंधारेंतं वा साइजइ ॥ ७५६ ॥ जे भिक्खू गामवहाणि वा णगरवहाणि वा खेडवहाणि वा कब्बडवहाणि वा मडंबवहाणि वा दोणमुहवहाणि वा पट्टणवहाणि वा आगरवहाणि वा संवाहवहाणि वा संणिवेसवहाणि वा चक्खुदंसणपडियाए अभिसंधारेइ अभिसंधारेंतं वा साइजइ ॥ ७५७ ॥ जे भिक्खू गामपहाणि वा णगरपहाणि वा खेडपहाणि वा कब्बडपहाणि वा मडंबपहाणि वा दोणमुहपहाणि वा पट्टणपहाणि वा आगरपहाणि वा संवाहपहाणि . वा सण्णिवेसपहाणि वा चक्खुदंसणपडियाए अभिसंधारेइ अभिसंधारेंतं वा साइज्जइ ॥ ७५८ ॥ जे भिक्खू गामदाहाणि वा जाव सण्णिवेसदाहाणि वा चक्खुदंसणपडियाए अभिसंधारेइ अभिसंधारेंतं वा साइजइ ॥ ७५९ ॥ जे भिक्खू आसकरणाणि वा हत्थिकरणाणि वा उद्दकरणाणि वा गोणकरणाणि वा महिसकरणाणि वा सूयरकरणाणि वा चक्खुदंसणपडियाए अभिसंधारेइ अभिसंधारेंतं वा साइजइ ॥ ७६० ॥ जे भिक्खू आसजुद्धाणि वा हत्थिजुद्धाणि वा उजुद्धाणि वा गोणजुद्धाणि वा महिसजुद्धाणि वा सूयरजुद्धाणि वा चक्खुदंसणपडियाए अभिसंधारेइ अभिसंधारेतं
