________________
उ० ७ चाउम्मासियमणुग्धाइयं] सुत्तागमे
८७७ अण्णमण्णस्स दीहाइं पासरोमाइं कप्पेज वा संठवेज वा कप्तं वा संठवेंतं वा साइज्जइ ॥५२५-१॥ केसरोमाई..॥५२५-२॥ जे भिक्खू माउग्गामस्स मेहुणवडियाए अण्णमण्णस्स अच्छिमलं वा कण्णमलं वा दंतमलं वा णहमलं वा णीहरेज वा विसोहेज वाणीहरेंतं वा विसोहेंतं वा साइज्जइ ॥५२६ ॥जे भिक्खू माउग्गामस्स मेहुणवडियाए अण्णमण्णस्स कायाओ सेयं वा जल्लं वा पंकं वा मलं वा णीहरेज वा विसोहेज वा णीहरेंतं वा विसोहेंतं वा साइजइ॥५२७॥ जे भिक्खू माउग्गामस्स मेहुणवडियाए अण्णमण्णस्स गामाणुगामं दूइजमाणे सीसदुवारियं करेइ करेंतं वा साइजइ ॥ ५२८ ॥जे भिक्खू माउग्गामस्स मेहुणवडियाए अणंतरहियाए पुढवीए णिसीयावेज वा तुयद्यावेज वा णिसीयावेंतं वा तुयट्टावेंतं वा साइज्जइ ॥५२९ ॥ जे भिक्खू माउग्गामस्स मेहुणवडियाए ससिणिद्धाए पुढवीए णिसीयावेज वा तुयट्टावेज वा णिसीयावेंतं वा तुयद्यावेंतं वा साइजइ ॥ ५३० ॥ जे भिक्खू माउग्गामस्स मेहुणवडियाए ससरक्खाए पुढवीए णिसीयावेज वा तुयद्यावेज वा णिसीयावेंतं वा तुयट्टावेंतं वा साइज्जइ ॥ ५३१॥ जे भिक्खू माउग्गामस्स मेहुणवडियाए महि]ट्टियाकडाए पुढवीए णिसीयावेज वा तुयट्टावेज वा णिसीयावेंतं वा तुयट्टावेतं वा साइजइ ॥ ५३२ ॥ जे भिक्खू माउग्गामस्स मेहुणवडियाए चित्तमंताए पुढवीए णिसीयावेज वा तुयट्टावेज वा णिसीयावेंतं वा तुयावेंतं वा साइज्जइ ॥ ५३३ ॥ जे भिक्खू माउग्गामस्स मेहुणवडियाए चित्तमंताए सिलाए णिसीयावेज वा तुयट्टावेज वा णिसीयावेंतं वा तुयट्टावेंतं वा साइजइ ॥ ५३४ ॥ जे भिक्खू माउग्गामस्स मेहुणवडियाए चित्तमंताए लेलए णिसीयावेज वा तुयट्टावेज वा णिसीयावेंतं वा तुयट्टावेंतं वा साइजइ ॥ ५३५ ॥ जे भिक्खू माउग्गामस्स मेहुणवडियाए कोलावासंसि वा दारुए जीवपइट्ठिए सअंडे सपाणे सबीए सहरिए सओसे सउदए सउत्तिंगपणगदगमट्टियमक्कडासंताणगंसि णिसीयावेज वा तुयट्टावेज वा णिसीयावेंतं वा तुयट्टावेंतं वा साइज्जइ ॥ ५३६ ॥ जे भिक्खू माउग्गामस्स मेहुणवडियाए अंकंसि वा पलियंकसि वा णिसीयावेज वा तुयटावेज वा णिसीयावेतं वा तुयट्टावेंतं वा साइज्जइ ॥ ५३७ ॥ जे भिक्खू माउग्गामस्स मेहुणवडियाए अंकंसि वा पलियंकंसि वा णिसीयावेत्ता वा तुयट्टावेत्ता वा असणं वा ४ अणुरघासेज वा अणुपाएज वा अणुग्घासेंतं वा अणुपाएंतं वा साइजइ ॥ ५३८ ॥ जे भिक्खू माउग्गामस्स मेहुणवडियाए आगंतागारेसु वा आरामागारेसु वा गाहावइकुलेसु वा परियावसहेसु वा णिसीयावेज वा तुयद्यावेज वा णिसीयावेंतं वा तुयटावेंतं वा साइज्जइ ॥ ५३९ ॥ जे भिक्खू माउग्गामस्स मेहुणवडियाए आगंतागारेसु वा आरामागारेसु वा गाहावइकुलेसु वा परियावसहेसु
