________________
उ० ४ तण.] सुत्तागमे
८४३ वा आहच्च वीसुम्(भि)भेजा, तं च सरीरगं (केइ) वेयावच्चक(रा-रे भिक्खू)रा इ(च्छि)च्छेजा एगन्ते बहुफासुए (पएसे) थण्डिले परिटुवेत्तए, अत्थि याइं थ केइ सागारियसन्तिए उवगरणजाए अचित्ते परिहरणारिहे, कप्पइ से सागा(रि)रकडं गहाय तं सरीरगं एगन्ते बहुफासुए थण्डिले परिढवेत्ता तत्थेव उवनिक्खेवियव्वे सिया ॥ १३२ ॥ भिक्खू य अहिगरणं कछु तं अहिगरणं अविओसवेत्ता-नो से कप्पइ गाहावइकुलं (पिण्डवायपडियाए) भत्ताए वा पाणाए वा निक्खमित्तए वा पविसित्तए वा, नो से कप्पइ बहिया वियारभूमिं वा विहारभूमि वा निक्खमित्तए वा पविसित्तए वा, नो से कप्पइ गामाणुगामं (वा) दूइज्जित्तए, (गणाओ वा गणं संकमित्तए वासावासं वा वत्थए) जत्थेव अप्पणो आयरि(ओ)यउवज्झायं पासेज्जा बहुस्सुयं बब्भागम, कप्पइ से तस्स(अ)न्ति(यं)ए आलो(इज्जा)एत्तए पडिक्कमित्तए निन्दित्तए गरहित्तए विउट्टित्तए विसोहित्तए अकरणाए अब्भुद्वित्तए अहारिहं पायच्छित्तं (तवोकम्म) पडिवजित्तए; से य सुएणं पट्ठविए आइयव्वे सिया, से य सुएणं नो पट्टविए नो आइयव्वे सिया; से य सुएणं पट्टविजमाणे नो आइयइ, से निजूहियव्वे सिया ॥ १३३॥ परिहारकप्पट्ठियस्स णं भिक्खुस्स कप्पइ (आयरियउवज्झा(या)एणं) तदिवसं ए(गंसि)गगिहंसि पिण्डवायं दवावे(पडिग्गाहे)त्तए, तेण परं नो से कप्पइ असणं वा ४ दाउं वा अणुप्पदाउं वा, कप्पइ से अन्नयरं वेयावडियं करेत्तए, तंजहा-उट्ठावणं वा अणुट्ठावणं वा निसीयावणं वा तुयट्टावणं वा, उच्चा(रं)रपासवणखेलजल्लसिङ्घाणविगिश्वणं वा विसोहणं वा करेत्तए, अह पुण एवं जाणेजा-छिन्नावाएसु पन्थेसु (आउरे जजरि(झिंझि)ए पिवासिए) तवस्सी दुब्बले किलन्ते मु(च्छि)च्छेज वा पव(डि)डेज वा, एवं से कप्पइ असणं वा ४ दाउं वा अणुप्पदाउं वा ॥ १३४ ॥ नो कप्पइ निग्गन्थाण वा निग्गन्थीण वा इमाओ पञ्च (महण्णवाओ) महानईओ उद्दिट्ठाओ गणियाओ वञ्जियाओ अन्तो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा, तंजहा-गङ्गा जउणा सरयू (एरावई) कोसिया मही, अह पुण एवं जाणेज्जाए(रा)रवई कुणालाए-जत्थ चक्किया एगं पायं जले किच्चा एगं पायं थले किच्चा, एवं से कप्पइ अन्तो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा; जत्थ नो एवं चकिया, एवं से नो कप्पइ अन्तो मासस्स दुक्खुत्तो वा तिक्खुत्तो वा उत्तरित्तए वा संतरित्तए वा ॥ १३५॥ से तणेसु वा तणपुजेसु वा पलालेसु वा पलालपु सु वा अप्पण्डेसु अप्पपाणेसु अप्पबीएसु अप्पहरिएसु अप्पोस्सेसु अप्पुत्तिङ्गपणगदगमट्टि(य)यामक(डग)डासंताणएसु अहेसवणमायाए नो कप्पइ निग्गन्थाण वा निग्गन्थीण वा तहप्पगारे उवस्सए हेमन्तगिम्हासु वत्थए ॥ १३६ ॥ से तणेसु
