________________
८५०
सुत्तागमे
[णिसीहसुत्तं
वा कारेइ कारेंतं वा साइजइ ॥ १७ ॥ जे भिक्खू कण्णसोहणगस्सुत्तरकरणं अण्णउत्थिएण वा गारथिएण वा कारेइ कारेंतं वा साइज्जइ ॥ १८॥ जे भिक्खू अणट्ठाए सूई जायइ जायंतं वा साइज्जइ ॥ १९॥ जे भिक्खू अणट्ठाए पिप्पलगं जायइ जायंतं वा साइजइ ॥२०॥ जे भिक्खू अणट्ठाए कण्णसोहणगं जायइ जायंतं वा साइजइ ॥२१॥ जे भिक्खू अणट्ठाए णखच्छेयणगं जायइ जायंतं वा साइज्जइ ॥ २२ ॥ जे भिक्खू अविहीए सूई जायइ जायंतं वा साइज्जइ ॥ २३ ॥ जे भिक्खू अविहीए पिप्पलगं जायइ जायंतं वा साइजइ ॥ २४ ॥ जे भिक्खू अविहीए णहच्छेयणगं जायइ जायंतं वा साइजइ ॥ २५ ॥ जे भिक्खू अविहीए कण्णसोहणयं जायइ जायंतं वा साइज्जइ ॥ २६ ॥ जे भिक्खू पाडिहारियं सूई जाइत्ता वत्थं सिव्विस्सामित्ति पायं सिव्वइ सिव्वंतं वा साइजइ ॥ २७ ॥ जे भिक्खू पाडिहारियं पिप्पलयं जाइत्ता वत्थं छिंदिस्सामित्ति पायं छिंदइ छिंदंतं वा साइजइ ॥ २८ ॥ जे भिक्खू पाडिहारियं णहच्छेयणयं जाइत्ताणहं छिंदिस्सामित्ति सल्लुद्धरणं करेइ करेंतं वा साइज्जइ ॥ २९ ॥ जे भिक्खू पाडिहारियं कण्णसोहणगं जाइत्ता कण्णमलं णीहरिस्सामित्ति दंतमलं वा णखमलं वा णीहरेइ णीहरेंतं वा साइजइ ॥ ३० ॥ जे भिक्खू अप्पणो एकस्स अट्ठाए सूई जाइत्ता अण्णमण्णस्स अणुप्पदेइ अणुप्पदेंतं वा साइज्जइ ॥ ३१ ॥ जे भिक्खू अप्पणो एकस्स अट्ठाए पिप्पलयं जाइत्ता अण्णमण्णस्स अणुप्पदेइ अणुप्पदेंतं वा साइजइ ॥ ३२ ॥ जे भिक्खू अप्पणो एकस्स अट्ठाए णहच्छेयणयं जाइत्ता अण्णमण्णस्स अणुप्पदेइ अणुप्पदैतं वा साइज्जइ ॥ ३३ ॥ जे भिक्खू अप्पणो एकस्स अट्ठाए कण्णसोहणयं जाइत्ता अण्णमण्णस्स अणुप्पदेइ अणुप्पदेंतं वा साइज्जइ ॥३४॥ जे भिक्खू सूई अविहीए पच्चप्पिणइ पञ्चप्पिणंतं वा साइजइ ॥ ३५ ॥ जे भिक्खू अविहीए पिप्पलगं पञ्चप्पिणइ पञ्चप्पिणंतं वा साइजइ ॥ ३६ ॥ जे भिक्खू अविहीए णहच्छेयणगं पञ्चप्पिणइ पचप्पिणंतं वा साइज्जइ ॥३७॥ जे भिक्खू अविहीए कण्णसोहणयं पञ्चप्पिणइ पञ्चप्पिणंतं वा साइजइ ॥ ३८ ॥ जे भिक्खू लाउयपायं वा दारुपायं वा मट्टियापायं वा अण्णउत्थिएण वा गारथिएण वा परिघट्टावेइ वा संठवेइ वा जमावेइ वा अलमप्पणो कारणयाए सुहुममवि णो कप्पइ जाणमाणे सरमाणे अण्णमण्णस्स वियरइ वियरंतं वा साइजइ ॥ ३९ ॥ जे भिक्खू दंडयं वा अवलेहणियं वा वेणुसूइयं वा अण्णउत्थिएण वा गारथिएण वा परिघट्टावेइ वा संठवेइ वा जमावेइ वा अलमप्पणो कारणयाए सुहुममवि णो कप्पइ जाणमाणे सरमाणे अण्णमण्णस्स वियरइ. वियरंतं वा साइजइ ॥ ४० ॥ जे भिक्खू पायस्स एकं तुंडियं
१ थेरावेक्खाए, तेसिं कप्पइ त्ति ।
