________________
सुत्तागमे
[ जंबुद्दीवपण्णत्ती
भीरवियडणाभीओ अणुब्भडपसत्थपीणकुच्छीओ सण्णयपासाओ संगयपासाओ सुजायपासाओ मियमाइयपीणरइयपासाओ अकरंडुय कणगरुयगणिम्मलसुजायणिरुवहयगायलट्ठीओ कंचणकलसप्पमाण समसहियलट्ठचुच्चुयामेलगजमलजुयलवट्टियअब्भुण्णयपीणरइयपीवरपओहराओ भुयंगअणुपुव्वतणुयगोपुच्छ्वट्टसंहियणमियआइज्जललियबाहाओ तंबणहाओ मंसलग्गहत्थाओ पीवरकोमलवरंगुलियाओ णिद्धपाणिरेहाओ रविससिसंखचक्कसोत्थियसुविभत्तसुविरइयपाणिलेहाओ पीणुण्णय करकक्खवत्थिप्पए-साओ पडिपुण्णगलकवोलाओ चउरंगुलसुप्पमाणकंबुवरसरिसगीवाओ मंसलसंठियपसत्थहणुगाओ दाडिमपुप्फप्पगासपीवरपलंबकुंचियवराधराओ सुंदरुत्तरोट्ठाओ दहि-दगरयचंदकुंदवासंतिमउलधवलअच्छिद्दविमलदसणाओ रतुप्पलपत्तमउयसुकुमालता-लुजीहाओ कणवीरमउलकुडिलअब्भुग्गयउज्जुतुंगणासाओ सारयणवकमलकुमुयकुवलयविमलदलणियरसरिसलक्खणपसत्थअजिम्हकंतणयणाओ पत्तलधवलायय आतंबलोयणाओ आणामियचावरुइलकिण्हब्भराइसंगयसुजायभुमगाओ अल्लीणपमाणजुत्तसवणाओ सुसवणाओ पीणमट्टगंडलेहाओ चउरंसपसत्थसमणिडालाओ कोमुईरयणिय-रविमलपडिपुण्णसोमवयणाओ छत्तुण्णयउत्तमंगाओ अकविलसुसिणिद्धसुगंधदीहसिरयाओ छत्त १ ज्झय २ जूय ३ दामणि ४ कमंडलु ५ कलस ६ वावि ७ सोत्थिय ८ पडाग ९ जव १० मच्छ ११ कुम्म १२ रहवर १३ मगरज्झय १४ अंक १५. सुय १६ थाल १७ अंकुस १८ अट्ठावय १९ सुपरट्ठग २० मऊर २१ सिरिअभिसेय २२ तोरण २३ मेइणि २४ उदहि २५ वरभवण २६ गिरि २७ वरआयंस २८ सलीलगय २९ उसभ ३० सीह ३१ चामर ३२ उत्तमपसत्यबत्तीसलक्खणधरीओ हँससरिसगईओ कोइलमहुरगिरसुस्सराओ कंताओ सव्वस्स अणुमयाओ ववगयवलिपलियवंगदुव्वण्णवाहिदोहग्गसोगमुक्काओ उच्चत्तेण य णराण थोवूणमुस्सियाओ सभावसिंगारचारुवेसाओ संगयगय हसियभणियचिट्ठियविलाससंलावणिउणजुत्तोवयारकुसलाओ सुंदरथणजहणवयणकरचलणणयणलावण्णरूवजोव्वणविलासकलियाओ णंदणवणविवरचारिणीउव्व अच्छराओ भरहवासमाणुसच्छराओ अच्छेरगपेच्छणिज्जाओ पासाइयाओ जाव पडिरूवाओ, ते णं मणुया ओहस्सरा हंसस्सरा कोंचस्सरा दिस्सरा णंदिघोसा सीहस्सरा सीहघोसा सुस्सरा सूसरणिग्घोसा छायायवोज्जोवियंगमंगा वज्जरिसहनारायसंघयणा समचउरंससंठाणसंठिया छविणिरायंका अणुलोमवाउवेगा कंकग्गहणी कवोयपरिणामा सउणिपोसपिद्वंतरोरुपरिणया छद्धणुसहस्समूसिया, सि
या बेछप्पण्णा पिट्ठकरंडगसया पण्णत्ता समणाउसो !, पउमुप्पलगन्धसरिसणीसाससुरभिवयणा, ते णं मणुया पगईउवसंता पाईपयणुकोहमाणमाया लोभा
५४६
