________________
१७२
सुत्तागमे
[ जीवाजीवाभिगमे
हंसावली वा कोंचावलीइ वा हारावलीइ वा बलायावलीइ वा चंदावलीइ वा सारइयबलाहएइ वा धंतधोयरुप्पपट्टेइ वा सालिपिट्ठरासीइ वा कुंदपुप्फरासीइ वा कुमुयरासीइ वा सुक्कछिवाडीइ वा पेहुणमिंजाइ वा बिसेइ वा मिणालियाइ वा गयदंतेइ वा लवंगदलेइ वा पोंडरीयदलेइ वा सिंदुवार मलदामेइ वा सेयासोएइ वा सेयकणवीरेइ वा सेयबंधुजीएइ वा भवे एयारूवे सिया ?, णो इणट्ठे समट्ठे, तेसि णं सुकिलाणं ताणं मणीण य एतो इट्ठतराए चेव जाव वण्णेणं पण्णत्ते ॥ तेसि णं भंते ! त य मणीण य केरिसए गंधे पण्णत्ते ? से जहाणामए –—— कोट्ठपुडाण वा पत्तपुडाण वा चोयपुडाण वा तगरपुडाण वा एलापुडाण वा [ किरिमेरिपुडाण वा ] चंदणपुडाण वा कुंकुमपुडाण वा उसीरपुडाण वा चंपगपुडाण वा मरुयगपुडाण वा दमणगपुडाण वा जाइपुडाण वा जूहियापुडाण वा मल्लियपुडाण वा णोमालियपुडाण वा वासंतिपुडाण वा केयइपुडाण वा कप्पूरपुडाण वा पाडलपुडाण वा अणुवायंसि उब्भिज्ज - माrाण वा णिब्भिज्जमाणाण वा कुट्टिज्जमाणाण वा रुविजमाणाण वा उक्किरिजमाणाण वा विकिरिज्जमाणाण वा परिभुज्जमाणाण वा भंडाओ वा भंड साहरिज्जमाणाणं ओराला मणुण्णा घाणमणणिव्वुइकरा सव्वओ समंता गंधा अभिणिस्सवंति, भवे एयारूवे सिया ?, णो इणट्ठे समट्ठे, तेसि णं तणाणं मणीण य एत्तो उ इद्वतराए चेव जाव मणामतराए चेव गंधे पण्णत्ते ॥ तेसि णं भंते ! तणाण य मणीण य केरिसए फासे पण्णत्ते ? से जहाणामए – आईणेइ वा रूएइ वा बूरेइ वा णवणी इ वा हंसगब्भतूलीइ वा सिरीसकुसुमणिचएइ वा बालकुमुयपत्तरासीइ वा भवे एयावे सिया ?, णो इणट्ठे समट्ठे, तेसि णं तणाण य मणीण य एत्तो इट्ठतराए चेव जाव फासेणं पण्णत्ते ॥ तेसि णं भंते ! तणाणं पुव्वावरदाहिणउत्तरा गएहिं वाएहिं मंदा मंदायं एइयाणं वेइयाणं कंपियाणं खोभियाणं चालियाणं फंदियाणं घट्टियाण उदीरयाणं केरिसए सद्दे पण्णत्ते ? से जहाणामए – सिवियाए वा संदमाणियाए वा रहवरस्स वा सछत्तस्स सज्झयस्स सघंटयस्स सतोरणवरस्स सदिघोस स सखिंखिणिहेमजालपेरंतपरिखित्तस्स हेमवयचित्तविचित्ततिणिसकणगनिज्जुत्तदारुयागस्स सुपिणिद्वारयमंडलधुरागस्स कालायससुकयणेमिजंतकम्मस्स आइण्णवरतुरगसुसंपउत्तस्स कुसलणरछेयसार हिसुसं परिगहियस्स सरसयबत्तीसतोण (परि) मंडियस्स सकंकडवडिंसगस्स सचावसरपहरणावरण भरियस्स जोहजुद्धसज्जस्स रायंगणंसि वा अंतेउरंसि वा रम्मंसि वा मणिकोट्टिमतलंसि अभिक्खणं २ अभिघट्टिजमाणस्स वा णियट्टिज्जमाणस्स वा [ परूढवरतुरंगस्स चंडवेगाइट्ठस्स ] ओराला मण्णा कण्णमणणिव्वुइकरा सव्वओ समंता सदा अभिणिस्सवंति, भवे एयारूवे
