________________
१०३ बाहिरगचंदाइपुच्छा] सुत्तागमे
२१९ याओ मणुया पगइभद्दगा विणीया तावं च णं अस्सि लोएत्ति पवुञ्चइ, जावं च णं समयाइ वा आवलियाइ वा आणापाणूइ वा थोवाइ वा लवाइ वा मुहुत्ताइ वा दिवसाइ वा अहोरत्ताइ वा पक्खाइ वा मासाइ वा उदूइ वा अयणाइ वा संवच्छराइ वा जुगाइ वा वाससयाइ वा वाससहस्साइ वा वाससयसहस्साइ वा पुव्वंगाइ वा पुवाइ वा तुडियंगाइ वा, एवं तुडिए अडडे अववे हुहुए उप्पले पउमे णलिणे अच्छिणिउरे अउए णउए पउए चूलिया जाव सीसपहेलियंगेइ वा सीसपहेलियाइ वा पलिओवमेइ वा सागरोवमेइ वा उवसप्पिणीइ वा ओसप्पिणीइ वा तावं च णं अस्सि लोएत्ति पवुच्चइ, जावं च णं बायरे विजुयारे बायरे थणियसद्दे तावं च णं अस्सि०, जावं च णं बहवे ओराला बलाहगा संसेयंति संमुच्छंति वासं वासंति तावं च णं अस्सि लोए०, जावं च णं बायरे तेउकाए तावं च णं अस्सि लोए०, जावं च णं आगराइ वा णिहीइ वा तावं च णं अस्सिं लोएत्ति पवुच्चइ, जावं च णं अगडाइ वा णईइ वा तावं च णं अस्सि लोए०, जावं च णं चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूइ वा उदगमच्छेइ वा कविहसियाइ वा तावं च णं अस्सि लोएत्ति प०, जावं च णं चंदिमसूरियगहणक्खत्ततारारूवाणं अभिगमणनिग्गमणवुड्डिणित्रुड्डिअणवटियसंठाणसंठिई आधविजइ तावं च णं अस्सि लोएत्ति पवुच्चइ ॥ १७८ ॥ अंतो णं भंते ! मणुस्सखेत्तस्स जे चंदिमसूरियगहगणणक्खत्ततारारूवा ते णं भन्ते! देवा किं उड्डोववण्णगा कप्पोववण्णगा विमाणोववण्णगा चारोववण्णगा चारद्विइया गइरइया गइसमावण्णगा ? गोयमा ! ते णं देवा णो उड्डोववण्णगा णो कप्पोववण्णगा विमाणोववण्णगा चारोववण्णगा नो चारठुिइया गइरइया गइसमावण्णगा उड्डमुहकलंबुयपुप्फसंठाणसंठिएहिं जोयणसाहस्सिएहिं तावखेत्तेहिं साहस्सियाहिं बाहिरियाहिं वेउब्वियाहिं परिसाहिं महया हयनदृगीयवाइयतंतीतलतालतुडियघणमुइंगपड्डुप्पवाइयरवेणं दिव्वाइं भोगभोगाई भुंजमाणा महया २ उक्कट्ठिसीहणायबोलकलकलसद्देण विउलाई भोगभोगाई भुंजमाणा अच्छयपव्वयरायं पयाहिणावत्तमंडलयारं मेरुं अणुपरियडंति ॥ जया णं भंते ! तेसिं देवाणं इंदे चवइ से कहमिदाणिं पकरेंति ? गोयमा ! ताहे चत्तारि पंच सामाणिया तं ठाणं उवसंपज्जित्ताणं विहरंति जाव तत्थ अन्ने इंदे उववण्णे भवइ ॥ इंदट्ठाणे णं भंते ! केवइयं कालं विरहिए उववाएणं पण्णत्ते ? गोयमा ! 'जहण्णेणं एक समयं उक्कोसेणं छम्मासा ॥ बहिया णं भंते ! मणुस्सखेत्तस्स जे चंदिमसूरियगहणक्खत्ततारारूवा ते णं भंते ! देवा किं उड्डोववण्णगा कप्पोववण्णगा विमाणोववण्णगा चारोववण्णगा चारढ़िइया गइरइया
