Book Title: Kahe Kalapurnasuri Part 03 Gujarati
Author(s): Muktichandravijay, Munichandravijay
Publisher: Shanti Jin Aradhak Mandal
View full book text
________________
કંઈક વધુ
વિ.સં. ૨૦૫૭, મહા સુદ બીજની સવારે શંખેશ્વર મહાતીર્થે અમે અષ્ટક પ્રકરણનો પાઠ પૂરો કરી ઊભા થયા ને થોડી જ વારમાં આખો ઉપાશ્રય ડોલવા માંડ્યો. અમે તરત જ નીચેના મેદાનમાં આવી ગયા.
લગભગ અઢી મિનિટ સુધી ચાલેલા આ ભૂકંપ વખતે અમે ચારેબાજુ બધું ડોલતું જોઈ રહ્યા. ધરતીની ભયંકર ઘરઘરાટી સાંભળી રહ્યા. અમારી પાસે એકઠા થયેલા લોકો શંખેશ્વર પાર્શ્વનાથ ભગવાનની ધૂન બોલાવવા માંડ્યા.
| ભૂકંપ શાન્ત થયો ને પછી ધીરે-ધીરે ખબર પડતી ગઈ કે આ ભૂકંપે તો કચ્છ-વાગડમાં ભયંકર તબાહી સર્જી છે ને આખા ગુજરાતને ડોલાવી મૂક્યું છે. જુદા-જુદા ગામના ૨૦૦ જેટલા જિનાલયો ધ્વસ્ત થઈ ગયા છે, અનેક લોકો મૃત્યુ પામ્યા છે, અનેક ઘાયલ થયા છે ને લાખો લોકો બેઘર બન્યા છે.
બધી રીતે બેહાલ થયેલા માનવને જો ખરેખર કોઈનો સહારો હોય તો એકમાત્ર ભાવિત થયેલા જિન-વચનોનો છે.
સકલ શ્રીસંઘના પરમ શ્રદ્ધેય પૂજ્ય આચાર્યશ્રીનું હૃદય જિન-વચનથી અત્યંત ભાવિત થયેલું છે. ભક્તિથી ભાવિત થયેલા હૃદયમાંથી નીકળતા શબ્દો સત્તત હૃદયને અમૃતના ફુવારા સમાન બનશે, એવી આશા સાથે.
- પં. મુક્તિચન્દ્રવિજય - ગણિ મુનિચન્દ્રવિજય
આગમ મંદિર જૈન ઉપાશ્રય, શંખેશ્વર તીર્થ, જિ. પાટણ, પીન : ૩૮૪ ૨૪૬. ફા.સુ. ૧૧, ૬-૩-૨00૧, મંગળવાર, વિ.સં. ૨૦૧૭
