Book Title: Stotra Granth Samucchaya
Author(s): Trailokyamandanvijay
Publisher: Jain Granth Prakashan Samiti
View full book text
________________
२६०
श्रीविजयपद्मसूरिविरचितः
उत्तुंगे तारंगे, सेरीसगभोयणीसुपाणसरे । तित्थेसरबिंबाई, वंदे बहुमाणभत्तीए ॥२०॥ जीरावलंतरिक्खे, तहा बडेजाइतित्थमज्झमि । पुण्णाजारातित्थे, वंदे तित्थेसबिंबाई ॥२१॥ गामणयरपुरपट्टण-खेडासमकब्बडाइसेसथले । तित्थेसरबिंबाई, वंदे बहुमाणभत्तीए ॥२२॥ सिरिउसहवद्धमाणे, चंदाणणवारिसेणजिणचंदे । वंदे विसुद्धभावा, सासयपडिमाण णामाई ॥२३।। सिरिसीमंधरणाहं, युगमंधरबाहुपुरिसपुंडरिए । पुज्जसुबाहुसुजायं, सयंपहं जिणवरं वंदे ॥२४॥ उसहाणणजिणणाहं, अणंतविरियं सुरप्पहं वंदे । तित्थाहिवइविसालं, वज्जंहरजिणवरं वंदे ॥२५।। चंदाणणतित्थपहुं, लोगहियं चंदबाहुतित्थयरं । भुयगेसरतित्थयरे, णेमिप्पहवीरसेणे य ॥२६।। झाणंतरिए समए, घाइक्खयलद्धकेवलालोयं । जिणयमहाभद्दक्खं, देवजसं सव्वया वंदे ॥२७॥ तित्थयराजियविरियं, वन्दे विण्णायलोयतत्तत्थं । इय वीसइ तित्थयरा, महाविदेहेसु विहरंति ॥२८।। उसहाजियजिणणाहं, संभवणाहाभिणंदणं वंदे । सुमइं पउमजिणेसं, सुपासचंदप्पहं सुविहिं ॥२९।। सीयलसेज्जंसपहु, वासवणयवासुपुज्जतित्थयरं । विमलाणंतजिणेसं, धम्मपहुं सव्वया वंदे ॥३०॥ विगयारिसंतिणाहं, कुंथु अरमल्लिजिणवरे वंदे । मुणिसुव्वयतित्थपहुं, णमिणेमिजिणेसरे वंदे ॥३१।। पासं णिच्चं वंदे, सासणवइवद्धमाणतित्थयरं । चउवीसइ तित्थयरा, मम कम्माइं पणासंतु ॥३२॥ जुम्मणिहाणणिहिंदु(१९९२)-प्पमिए वरिसे य मग्गसिरमासे । सुक्के पक्खे पढमे, दियहे विमलायले तित्थे ॥३३।। रइयमिणं वरथुत्तं, गुरुवरसिरिणेमिसूरिसीसेणं । वायगगणिपउमेणं, सव्वेसिं सव्वओ सुहयं ॥३४॥ थिरचित्ता विहिरागा, पढंति निसुणंति जे णरा णिच्वं । उभयभवे कल्लाणा, लच्छीवुड्डी सया तेसिं ॥३५॥
Page Navigation
1 ... 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380