Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 280

२६८
श्रीविजयपद्मसूरिविरचितः
इयरम्मि वि प्पइट्ठा, सद्दपवित्ती न वत्थुओ सत्था । आरोवणववहारा, जणप्पसिद्धी मुणेयव्वा ॥११५।। सूरीहिं पुव्वेहिं, जह कहिया तह सुहंजणसलाया । सिरिणेमिसूरिगुरुणा, विहिया विहिणा कयंबम्मि ॥११६।। सुहसुक्कतेरसीए, माहे जाओ महुस्सवारंभो । बावीसवासरंते, फग्गुणसियपंचमीनिट्ठो ॥११७।। मंडवठवणामंगल-दीवसमोसरणपमुहसंठवणा । कुंभट्ठावणकिरिया, जववारारोवणाइ तहा ॥११८।। नंदावट्टसमच्चा, जिणपासायाहिसेयपमुहाई। किच्चाई दिसिवालय-मंगलहिट्ठायगगहच्चा ॥११९।। विज्झादेवीपूया, संतिकलसपमुहसंविहाणाई । सासणदेवि दव्वा-हणबलिमंतोवविण्णासो ॥१२०।। सिरिसिद्धचक्कपूया-पमुहविहाणाइ तित्थहिययाई । कल्लाणगाइहेउय-रहजत्ता उचियसामग्गी ॥१२१।। वीसइठायमंडल-धजदंडकलसहिसेयपूयाइ । जाया महुस्सवेणं, सुरीपइट्ठा पसंति दया ॥१२२।। बिहनंदावट्टच्चा, पढमदुकल्लाणगुस्सवारंभो । तह वरदिसिकुमरीणं, महुस्सवो रंगओ जाओ ॥१२३।। जम्माहिसेयकिरिया, इंदाइमहुस्सवाइया रम्मा । अडदसहिसेयणाम, ट्ठवणा वरलेहसालाई ॥१२४।। अहिसेयपइट्ठाइय, महुस्सवो गणहराइयगुरूणं । बिंबसिणत्तविहाणं, कुंभट्ठवणाइ सुकयंबे ॥१२५।। वरघोडो दिक्खाए, गहदिसिवालच्चणाइ सुकयंबे । संतिसिणत्ताइजुया, देउलियहिसेयकिरियाओ ॥१२६।। दिक्खासेसविहाणं, केवलकल्लाणगुस्सवाइविही । सुहलग्गंजणकिरिया, सूरिकया महभिसेयविही ॥१२७।। वरकेवलकल्लाणे, सेसविहाणाइ संघवच्छल्लं । पुज्जजिणासणठवणं, दंडाइयरोवणं विहिणा ॥१२८।। फरगुणसियतइयाए, रायणयरवासिकरमचंदस्स । पुत्तीए पुंजीए, भइणीए तेसलेयस्स ॥१२९।। पासाओ निम्मविओ, मज्झगओ मूलनायगरिहस्स । सिरिवीरमहाबिंबं, ठवणा तत्थेव तीइ कया ॥१३०।। साहम्मीवच्छल्लं, संतिसिणत्तं तहा सिरिकयंबे । रहजत्तावरघोडो, विट्ठीकिरिया चउत्थीए ॥१३१।।