Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 376

३६४
प्रकीर्णरचनासन्दोहः
सिद्धायलाइयथले, भरहेणं ताणि कारियाणि मुया । सत्तुंजयमाहप्पे, धणेसरायरियवयणमिणं ॥६३।। आवस्सयम्मि वुत्ता, पासाया सेणिअण कारविया । गोभद्दजिणाययणं, चरिए सिरिसालिभद्दस्स ॥६४॥ निम्मविओ नियहम्मे, पहुपासाओ पहावईइ वरो । आवस्सयम्मि भणिओ, वग्गुरपासायवुत्तंतो ॥६५।। संपइजावडसमरा, कम्मासामंतिविमलधण्णासा । आमनिवइसिद्धाई, जिणगिहकारावगा एए ॥६६।। पेहडनाहडमंती, कुमारपालाहडाइललियाई । धणितेयवत्थुपाला, नयरिब्भा संतिदासाई ॥६७।। तह हत्थिसीहसेट्ठी, मणसुहमाणिक्कलालकम्मिदू । लच्छीभइणीपमुहा, एए जिणरोहनिम्मवगा ॥६८।। आमकुमारनरेसा, वब्भट्टामच्चविक्कमा भीमो । अंबडमणसुहपमुहा, जिण्णगिहूद्धारगा एए ॥६९।। मायरतित्थाईणं, धणिजमणाभाउसेट्ठिपमुहेहिं । उद्धारो निम्मविओ, तेसिं सहलं धणं भणियं ॥७०।। तत्थत्थ पईवनिहो, जिणागमो भावसुद्धिपवहदओ । दीवाइव रुवमाणो, भवाभिणंदीणमइदुलहो ॥७१।। आगमबहुमाणाओ, तिउडीबहुमाणमित्थ होज्ज कयं । अहिओ केवलनाणा, मुणिभत्तनिदंसणा भणिओ ॥७२।। सामाइएण सिद्धा, अणंतजीवा अइंदियपयासो । कालाइहेउदोसा, से विच्छिण्णोत्ति कलिऊणं ॥७३।। विहिओ गंथारूढो, नागज्जुणखंदिलाइसूरीहिं । इय सड्ढा भत्तीए, पलिहावंति प्पमोएणं ॥७४।। एवं कुणमाणाणं, गंधत्तजडत्तदुक्खमूयत्तं । सुयपाढगाइयाणं, भत्तीइ हवंति सिद्धीओ ॥७५।। इक्कारसंगसवणं, पासे सिरिधम्मघोससूरीणं । विहियं सुयबहुमाणा, मंतीसरपेहडाईहिं ॥७६।। आगमनिहिणो ठविया, भरुअच्छाईसु सत्त खित्तेसुं । इह दिटुंता णेया, कुमारपालाइभव्वाणं ॥७७।। दव्वाइवियारेणं, संजमजुग्गा सयाइ वत्थूणं । चरणाहिलासितणया-इयाण हरिसेणदाणाओ ॥७८।। निंदगनिवारणेणं, कुज्जा भत्तिं सुपत्तसाहूणं । इय साहुणीण णेया, पुच्छाहाराइजोगेहिं ॥७९।।