Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 377

प्रकीर्णरचनासन्दोहः
३६५
नियगेहासण्णगिहे, मज्जायासाहणे ठिई दिज्जा । जं दुट्टप्पडियारो, थीहिं भत्तिं पि कारिज्जा ॥८०॥ संजमभाविसुयाई, दिज्जा संजमसिणेहभावाओ । थिज्जं तेसिं चरणे, कुज्जा सुहसारणाईहिं ॥८१।। सिवमग्गसाहगावे, सुयाहिया नियमणम्मि मण्णिज्जा । एवं दोण्हं भत्ती, विण्णेया जिणपवयणुत्ता ॥८२॥ सड्ढस्स सडसड्डी, साहम्मित्तेण वण्णिया दोण्णि । दुलहो तेर्सि संगो, दंसणसोहो महालाहो ॥८३।। जम्मुच्छवाइसमए, भूसणपमुहाइ दिज्ज भत्तीए । नासिज्ज दुहं तेर्सि, पुव्वठिई वावि पाविज्जा ॥८४।। सिढिले धम्मविहीए, कुज्जदढे सारणाइहेऊहिं । इय सावियाण णेया, भत्ती मह भावणागंथा ॥८५॥ पढमाणं भत्तीए, दोण्हं भद्दाइयाण दिळुता । संभवनाहाईणं, परूविया दुण्ह मंताणं ॥८६।। एवं दाणपसंगे, पण्णत्तो सत्तखित्तसंखेवो । भावणकप्पलयाए, विवण्णिओ वित्थरो तेसि ॥८७।। पत्तापत्तविवक्खं, उवेक्खिऊणं दयाइ दाणंपि । कूवजलं व नियधणं, वियारिऊणं सया कुज्जा ॥८८।। चित्तं वित्तं पत्तं, जोगो तिण्हं हविज्ज धण्णाणं । ते धण्णेसु वि धण्णा, दिति सुपत्तम्मि हरिसंता ॥८९।। एयं च लक्खिऊणं, वुत्ताई भूसणाइ दाणस्स । तह पंच दूसणाई, तिण्णि पयारा पबंधेणं ॥१०॥ इह णो भण्णिज्जंते, उवएसतरंगिणीइ णायव्वं । सव्वं वित्थारभया, गंथस्स समत्तमिइ कुलगं ॥९१।। मुत्ती णेव विणा तं, दाणं कस्सवि विलोइऊणमिणं । थोवाओऽवि हु थोवं, देयं जं तितयजुग्गत्तं ॥९२।। किच्चुवइटुं पहुणा, तब्भवसिवगामिणा किवा निहिणा । विहिणा कुणमाणाणं, नियमा संसारविच्छेओ ॥९३।। रिसिनिहिणंदिंदुमिए(१९९७), विक्कमसंवच्छरे पढमदियहे । सिरिरायनयरमज्जे, गुरुवरसिरिणेमिसूरीणं ॥१४॥ पउमेणायरिएणं, सीसेणं दाणकुलगमप्पहियं । रइयं पढंतु भव्वा, लहंतु वरसुलहबोहित्तं ॥९५॥
(जैन-सत्यप्रकाशः - वर्ष-६, अङ्क ३-६)