Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 298

२८६
श्रीविजयपद्मसूरिविरचितः
पंचप्पमायचाई, ववहारसुनाणपवयणंगाई । सम्मत्ताइ कहते, णिच्चं वरवायगे णममि ॥७७।। सावगवयविहिवाए, रुइदसभेए सया निरूवेंते । काउस्सग्गपदोसे, हिंसाहिंसासरूवण्णे ॥७८।। अडमयचाई सद्धा-पवयणमायप्पभावविण्णाणे । सिरिसिद्धिभेयदसतिग-प्परूवगे पाढगे वंदे ॥७९।। वित्तिप्पवत्तणाओ, सड्डगुणे उवइसंति जे सययं । वीसइठाणाराहगा-यारपवीणे सया वंदे ॥८॥ जीवागारुवएसी, अरुहंतगुणे तहेव सिद्धगुणे । एगत्तं भत्तीए, दंसंते वायगे सरमि ॥८१।। कारणतत्तुवएसी, अतत्तगारवतिदंडपरिहारी । सल्लासुहलेसा जे, चयंति ते णममि ओज्झाए ॥८२।। वरणीलमेहजोगा, हवंति णीला जहाऽखिला रुक्खा । तह जिणवयणेहि जडे, सीसे णीले कुणंति बुहे ॥८३।। रुक्खसमाणा सीसा, वायगवयणाइ मेहसरिसाई । इय णीलगुणो णेओ, झाएअव्वो विहिण्णेहिं ॥८४।। पवरोवज्झायपयं, आगमणोआगमेहिं मंतव्वं । उवओगबोहकलिओ, पढमो किरियस्सिओ अण्णो ॥८५।। णिक्खेवचउक्काउ, चउत्थपयसाहणा मुणेयव्वा । वायगणामं जेसिं, नामेणं वायगा णेया ॥८६॥ सिरिवायगपडिमाओ, ठवणावरवायगा पवयणम्मि । सब्भावेयरभेया, ठवणाइपरूवणा भणिया ॥८७।। अणुहवणीओ जेहिं, वायगभावो य जेहिमणुहूओ । सरियव्वा ते दव्वा, रंगेणं वायगा णिच्चं ॥८८॥ पणवीसइगुणसहिया, गीयत्था सुत्तपाढगप्पवरा । आगमजोगुव्वाही, सूरी दव्वेण जुवराया ॥८९॥ मोहाहिविसच्छाइय-भवियाणं णव्वचेयणं देंते । जे गारुडीसमाणा, ते वंदे वायगा भावा ॥९०। सत्थरसायणजोगा, विमइगयद्दियजणे महारुग्गे । धण्णंतरितुल्ला जे, कुणंति ते वायगे वंदे ॥९१।। अक्खरचंदणपावो-वयावसामगपरोवयारपरे । सुहसज्ज्ञायाणंदा, किवालुसुयतोसियंगिगणे ॥९२।। मग्गपयासणदीवे, दव्वाइण्णे विसालभावड्ढे । सत्तक्खरझाणटे, भावेणं वायगे वंदे ॥९३।।