Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 345

प्रकीर्णरचनासन्दोहः
३३३ देहाउकम्मजोणिजम्मरसवण्णगंधफरिसप्पखेयप्पणासगे विमलभावरत्ते । सुरवइसुक्खाइसाइयपहाणसुक्खपमोअमोइए पुण्णपुण्णए । नाणदिट्ठिजोगरुद्धमणवयणतणुबहुगइजोगए कणयवण्णझाणविसए णमामि सिद्धे । नयगमविआरिए निरुवमसमपत्तमुणिरायचित्तपरिसोहियपवरविगयजरे ॥ वेड्डओ ॥९॥ सरणे भवाहिहरे, कयकिच्चगणे सहावरए । वरसत्तियभावमए, सिद्धे पणमामि णिच्च महं ॥ रासालुद्धओ ॥१०॥
॥ श्रीआचार्यपदस्तवनम् ॥ मुणिगणपवरे वरायरणपच्चले तइअंगवृत्तपंचप्पहावपत्ते विसुद्धसीले । पंचक्खोहदमणपगुणणट्ठमयसरलपसमसमिइए खंते णम्मे भवयकसायप्पघायमुक्के । थिरहिअयजुगपवरवरजाइकुलजिणाहिवसासणगयणदिवायरंसुसरिसे । जइधम्मचरणपवणरयणीसदित्ती संणममि भावणासंसग्गे विण्णाणी तत्तए आयरिए ॥ वेड्डओ ॥११॥ सुत्तत्थण्णे विदए, गीयत्थे भव्वगुणे ।। सूरी गच्छाहिवई, सेवामि सव्वया ॥ रासानंदिअयं ॥१२।। विण्णायसुवण्णमहागुण मुणिपवरा करणहरा, गणसारणपमुहविहायग विगयमया निउणनया । वरदेसण पावणजोगवियक्खण पसमहरा दुरियहरा, गयगारवे सरमि सया हय-सबलगणे कयसरणे ॥ चित्तलेहा ।।१३।। सारणाइणा गणम्मि सव्वसाहुरक्खगे पसण्णविमलदिट्ठिकायभासणे रसायणे विहारभद्दपगुण । चत्तभत्तदूसणे गरिट्ठसीलभूसणप्पधरण, दोसवंददंसगे विणासियप्पमायसूरिसिट्ठपाय वरकए पवंदे ॥ नारायओ ॥१४॥ वरमुणिगणतत्तिविप्पमुक्के, विमलपवित्तियरे सिणेहसुक्के । भवियणकमलप्पयासणभाणू, पणममि कम्मतणुद्दहे किसाणू ॥ कुसुमलया ॥१५॥
॥ श्रीउपाध्यायपदस्तवनम् ॥ अज्झायगुणी पसमे, दव्वेणायरिए विदमे । मुणिपुज्जभद्दयकमे, वंदमि भंगनयाइगमे ॥ भुअगपरिरिंगिअयं ॥१६।। आगमविण्णे सुद्धचरणे गणहियरसिए, संसइखिण्णे गच्छसरणे सुहमइलसिए । धम्मविहिण्णे वुत्तकरणे गुणचयतसिए, सग्गुणकिण्णे तित्थतरणे नयदुगमइए ॥ खिज्जिअयं ॥१७|| सिक्खणभेयदेसगे वरनियमरए, उत्तमजणपूइए कयमयविलए । भेयपभेयभासिए हयकवडगए, भव्वे नमेह वायगे नियपरसुहए ॥ ललिअयं ॥१८॥ ममयाहिविसपसरणट्ठमइभवियबोहए सुहए, सुयतोसिससुयगुणभवियणभवयणभावणे पवणे । हयदुग्गइगमणकसायगणमयणवायगे सरमो, जिणसासणगयरयगयणविहासणभक्खरे सययं ॥
किसलयमाला ॥१९॥