Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 317

प्राकृतस्तोत्रप्रकाशः
सुद्धाइ लिहावित्ता, वक्खाणेउं गुणीण समणाणं । दिनाई वरविहिणा, सोअव्वाई पपूएता ॥८८॥ णिसुया दुवालसंगी, सूरीसरधम्मघोसपासम्मि । पेहडमंतीसेणं, विवाहपण्णत्तिणिस्सवणे ॥८९॥ गोयमपए ठवित्ता, णिक्कं विहिया समच्चणा भावा । छत्तीससहसमाणं जायं दविर्ण भगवईए ॥९०॥ तेण दविणजाएणं, आगमगंथा लिहाविया मोया । भरुअच्छाइसु विहिणा, कारविया सत्त नाणनिही ॥ ९१ ॥ जइणागमप्पईओ, सग सग विलिहाविया सुवण्णेहिं । सोवणिएहि भव्वा, कुमारपालेण भुवइणा ||१२|| सड्ढतिकोडिसिलोग-प्पमाणगुरुहेमचंदगंथाणं । पत्तेयमिक्कवीसा, लिहाविया तेण चंगपई ॥९३॥ सगसवलेहगपयरो, निओजिओ लेहपत्थुयविहाणे । इगवीस नाणनिही, कारविया नाणभत्तीए ॥ ९४ ॥ तिणि निही कारविया, अडदसकोडीपमाणदविणवया । पहुपवयणपणएणं, मंतीसरवत्थुपालेणं ॥ ९५ ॥ नाणलिहावणकज्जे, आभूवरसावगेण कोडीओ । तिण्णि व्वइआ पुण्णा, पसत्थसोवण्णवण्णेहिं ॥९६॥ पसुत्तिक्किक्कपई, लिहाविया गणहरुत्तिनेहेणं । अण्णग्गंथाऽवि तहा, एएसिं सच्चनाणरई ॥ ९७॥ सोवण्णिसंगामो, करीअ बहुमाणगव्भसुयभति । एवं भव्वजिएहिं सुयभत्ती सव्वया सज्झा ॥ ९८॥ अट्ठावीसइभेया, मइनाणस्स स्सुयं च चउदसहा । छब्भेयावहिनाणं, मणपज्जवनाणभेयदुगं ॥ ९९ ॥ केवलमेगविहाणं, एगावण्णा हवंति पंचण्हं । काउस्सग्गाइविही, गुणाणुमाणेण णायव्वो ॥ १००॥ नवपयसाहणसमए, सत्तमदियहे पसत्थनाणस्स ।
आराहणा विहेया, एवं तत्तं वियारिज्जा ॥ १०१ ॥ सिरिनाणपयज्झाणं, आगमनोआगमेहि कायव्वं । उवओगबोहकलिओ, पढमो किरियस्सिओ बीओ ॥ १०२ ॥ निक्खेवचउक्काओ, नाणपयं सव्वया वियारिज्जा । नाणं ति जस्स णामं, विण्णेयं नामनाणं ति ॥ १०३ ॥ नाणीणं पडिमाओ, ठवणा नाणं च दव्वनाणमिणं । भावण्णाणनियाणं, मइयपमुहाइभावाओ ॥ १०४॥
३०५