Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 297

प्राकृतस्तोत्रप्रकाशः
२८५
विज्झापवायपुव्वे, पयकोडी लक्खदसगसंजुत्ता । सगसयविज्झा भणिया, गुरुलहुसेणाइया दिव्वा ॥६०।। अंगुट्ठपण्हविज्झा, अहिट्ठलाहाउ रोहिणीपमुहा । विग्घावणोयदक्खा, पणसयमाणा महाविज्झा ॥६१॥ सिरिकल्लाणपवाए, जोइसलागा णरा मियाहारी । छव्वीसा पयकोडी, पुण्णफलाइं विसेसाओ ॥६२।। पाणावाए पुव्वे, तेरसकोडी पयाण निद्दिठ्ठा । वुत्ता सव्वचिइच्छा, आउव्वेयाइया अट्ठ ॥६३।। पाणाइवाउभावा, पाणायामाइजोगणिस्संदं । पंचमहाभूयाणं, तत्तं पुण्णं समाइटुं ॥६४॥ किरियाविसालपुव्वे, णवपयकोडी कलासरूवं च । छंदोवागरणाई, सिप्पसरूवं विसेसेणं ॥६५॥ पण्णासलक्खजुत्ता, बारसकोडी पयाणमुवइट्ठा । सड्ढाई लक्खाइं, बारस इय कम्मगंथमए ॥६६।। सिरिलोयबिंदुसारे, आराछक्काइसमयसब्भावा । ववहारसंपयाओ, पयत्थपरिकम्मतत्तं च ॥६७।। जे वज्जति विणोया, चउदसहाऽऽसायणाउ णाणस्स । तह य सुवण्णगुणक्खा-णपच्चले वायगे वंदे ॥६८|| किरियाठाणच्चायं, कुणंति तह कायछक्कपरिताणं । छद्दव्वदेसगा जे, ते वंदे वायगे सययं ॥६९।। सावयपडिमागुणठा-णगदेसी भावणा धरंते य । चित्ते महव्वयाणं, वंदे सुयवायगोज्झाए ॥७०।। अडसगदसविहपूया-परूवगा भावणा असुद्धाओ । पणवीसई चयंते, जे वंदे ते सुहोज्जाए ॥७१।। तेवीसिंदियविसए, चयंति गहणं सुहेयराणं जे । न कुणंति संजमाओ, झाअमि ते पाढगे णिच्चं ॥७२।। मिच्छत्तभेयदंसी, चउविहसंघे महागुणनिहाणे । जे गणरक्खणसीला, समरामि सया महोज्झाए ॥७३।। चोद्दसजीवऽडभंगे, अंगाइयपूयणं परूवेंते । विणयविवेगणिहाणे, वायगराए सरामि सया ॥७४।। नवविहणियाणवज्जी, पोग्गलपरियट्टणंतणिद्देसी । णयखित्ततत्तदंसी, पाढगराए पणिवयामि ॥७५।। विकहाचउक्कवज्जी, धम्मकहाकारणाणुओगविए । णिक्खेवधम्मवाए, समरमि णिच्चं महोज्झाए ॥७६।।