Stotra Granth Samucchaya

Author(s): Trailokyamandanvijay
Publisher: Jain Granth Prakashan Samiti

Page 292

२८०
श्रीविजयपद्मसूरिविरचितः
उवसग्गाणलजोगे, अडज्झभावा सुयामियस्साया । णियपरहियाणुकूला, तरुदिटुंतेण णम्मयरा ॥४७।। वरदेसणोसहीए, मोहुग्गविसावहारनिउणयरा । कंचणगुणजोगेणं, पीया सूरी मुणेयव्वा ॥४८॥ णिक्खेवचउक्केहिं, तइयपयवियारणा पकरणिज्जा । आयरियक्खा जेसिं, णामायरिया य ते भणिया ॥४९।। आयरियाणं पडिमा, ठवणायरिया जिणागमे भणिया । सब्भावेयरभेया, ठवणा सिरिगोयमाईणं ॥५०॥ अणुहवणीयं जेहिं, आयरियत्तं च जेहिमणुहूयं । दव्वायरिया समए, ते वुत्ता भुवणभागृहि ॥५१॥ बारससयछण्णवइ-प्पमाणगुणभूसिया य गीयत्था । आराहियसुयजोगा, संसाहियसूरिमंतविही ॥५२।। अहुणा जिणवइभाणू, वÈति ण केवलिप्पहाणससी । तत्तपयासयदीवा, आगमछंदा गणाहीसा ॥५३॥ भवकूवंमि पडते, जणे करालज्जियाहभरभरिए । वरसिक्खारज्जूआ, समुद्धरंता किवंबुणिही ॥५४॥ तित्थेसरसामज्जे, महाहिगारी सयासया सरला । भवतियणिव्वाणरिहा, विहाववियला अगण्णगुणा ॥५५॥ मुणिगणतत्तिविहीणा, आयोवायप्पवीणणिक्कामा । फलकिरियाजोगावं-चगा सुयत्थप्पयाणपरा ॥५६।। भावामयवरविज्जा, सरणागयवज्जपंजरसमाणा । वरसिद्धिभिंगवासा, भावायरिया जलयतुल्ला ॥५७|| सिरिगुरुगुणछत्तीसा-छत्तीसीग्गंथवण्णियसरूवे । पयरणवरसंबोहे, परूविए वित्थरा वंदे ॥५८॥ पवरागण्णमुणीहिं, पत्तं पाविज्जए पयं पुण्णा । ते धण्णा लद्धपया, धण्णयरा लद्धतप्पारा ॥५९॥ ते वीरा वरचरणा, णिम्मलयरदसणा महाविउहा । जे सययं बहुमाणा, विहिणा सेवंति सूरिपए ॥६०|| आयरियपयवियारो, आगमणोआगमेहि णायव्वो । उवओगबोहकलिओ, पढमो किरियण्णिओ अण्णो ॥६॥ उद्देसविही भणिओ, सामण्णविही जहेव सिद्धथवे । एत्थऽण्णत्थ वि णेओ, सो साहगभव्वमणुएहिं ॥६२।। समरंता आयरिए, पयत्थभावं सया विभावेंता । आयरियमया होज्जा, मज्झत्थणरा विणोएणं ॥६३।।